25 de mayo de 2012
25.05.2012

El candidatu

Extractos de un monólogo de José Manuel Reguero, «El Maestru», muy a propósito para la jornada electoral

25.03.2012 | 06:45
El candidatu

¡Ciudadanos! Como candidatu pol partíu DCM (Democracia Con Miliu) a les eleiciones pa presidente del Principáu, voi contavos les ventayes del mio partíu sobre los demás.


Si salgo elixíu, prometo un futuro lleno d'esperanza y riqueza p'Asturies. ¡Nada de promeses que lluego nun se cumplen! Y... pa que veáis que digo la verdá, si me votáis, namás meter la papeleta van davos una rifa pal sortéu d'un coche, de la marca que queráis y dos viaxes ida y vuelta en barcu a Cuba, pa ver la casa de Dinio (el de Marujita). También un puestu de trabayu n'Aceralia, con un bon sueldu, tres pagues estra y dos meses de vacaciones nun hotel de seis estrelles con vistes al mar, retrete giratoriu y una vacinilla d'aceru inoxidable.


Amás regalo una pota esprés pa les muyeres, valorada en 200.000 pesetaes y un microondes automáticu. Y pa los homes una máquina d'afeitar elétrica, marca Philips o una de cuchilles (según los gusto).


Y... too esto ensin gastar ni una perra. Ansí que nun lo dudéis. ¡Votáime! Otra cosa. El patrimoniu que tenga tá fácil d'explicar: diez pites roxes, seis coneyos, un horru y una casina pequeña. ¡Ah! Y una burra prieta, que me regalo'l mió suegru cuando me casé cola so fía.


Una vez que sea presidente del Principáu voi dexar Asturies como nueva, que va ser la envida de toos Y agora, esti que vos fala, Miliu, va decivos les coses que va facer:


En primer llugar pa les ames de casa: un sueldu y dos pagues al añu. Tamién van tener una escursión a Marbella pa ver a los famosos y pases gratis pa curar el reuma y les varices nun balneariu. Aparte, el día de les Comadres, van tar invitaes a cenar a ver a los boys (en pelota), pero ensin tocalos.


A los xóvenes quiero deci-ys que pueden seguir col botellón. Van poder beber Coca-Cola con un poco anís de guinda y una vez qu'acaben, tendrán que tomar una botella de lleche pa matar los efeutos del alcohol.


l Educación. Nada de cargar con tantos llibros que fastidien el llombu. Van llevar una enciclopedia d'Alvarez, una pizarra con pizarrín y un trapu pa llimpiala. Van tener cuatro meses de vacaciones y una pequeña paga pa los sos caprichos. Van tener también un cursu intensivo a cargo d'una bruxa xaponesa pa enseña-ys a volar nuna escoba como'l Harry Potter. Y... pa los maestros, vitamines, un cascu y botes de seguridá.


l Deportes. ¡Nada de fútbol! ¡Que pueden romper una pata! Va ser obligatorio practicar: les chapes y el cascayu, l'aru cola gancheta, la maza y... por supuesto, los bolos. Bono, una vez al añu, pué xugase al fútbol... pero con madreñas.


l Cures. ¡Que se casen! ¡Que sepan lo que ye una suegra! Nada d'andar per ehí de picos pardos.


l Facienda. ¡Nada d'impuestos! El que quiera voluntariamente dar algo, que lo dea. Voi abrir una cuenta na Caxa Rural. Agora, eso sí, a nome míu, por si acasu.


l Natalidá. Nestos últimos años descendió muncho la natalidá. Nun nacen neños. Asina que voi poner un premiou pa les pareyes que tengan más d'ocho fíos. Van recibir una vaca roxa, dos gochos, una cabra y 200 paquetes de dodotis.


l Fumadores. ¡Na! Podéis fumar onde os apiteza, pero tenéis que poner una escafandra, como la de los buzos, que tien un tubu que lleva el fumu pa un caxón.


l Enerxía. Tenemos carbón asgaya. Asina que ná de gas, que ye peligrosu y puen reventar les bombones. Onde tá una cocina de carbón que se quite lo demás.

Compartir en Twitter
Compartir en Facebook
Enlaces recomendados: Premios Cine