Blog 
Filazón
RSS - Blog de MªEsther  García López

Archivo

  • 26
    Enero
    2016

    Comenta

    Comparte

    Twitea

    Oviedo asturias

    Atentáu contra la cultura

     

    Cola llegada de la edá de xubilación, obliguen a los creadores a dexar la so actividá

    22.01.2016 | 04:05

    Atentáu contra la cultura
    Atentáu contra la cultura

    M.ª Esther García López ¿Cuántos escritores viven de la so producción lliterara? ¿Cuántos músicos, cuántos actores y actrices, cuántos cineastas se puen dedicar namás a la creación?

    Nestos tiempos que cuerren pa los artistes y pa la sociedá en xeneral, promúlgase una llei perversa qu'arremete contra los creadores mayores de 65 años. Pa los vieyos too son "achaques".

    Los creadores xubilaos que perciban más de 9.172,80 euros brutos al añu pola so actividá artística, incluíos los drechos d'autor por obres publicaes enantes de la xubilación, nun podrán tener otros ingresos, y la Seguridá Social obligarálos a renunciar a la pensión o a nun cobrar los drechos d'autor.

    Les dos coses son incompatibles. Pero inda hai más, tal como señala Carlos Muñoz, asesor xurídico de l'Asociación Colegial de Escritores, "non sólo se pierde esi derechu, l'escritor amás tien de devolver lo cobrao en conceutu de pensión, y amás, vese obligáu a dase d'alta nel réxime d'autónomos de la Seguridá Social y pagar les cuotes correspondientes a tol añu.

    Pero como esto nun paez ser suficiente, amás améstase una penalización de seis meses de cobru de pensión una vez recuperáu el drechu de la mesma". P'aclaranos, manda a la xubilación forzosa a los escritores, músicos, cineastas y artistes yá xubilaos d'otra actividá pola que cotizaron, a lo llargo de tola so vida llaboral, pa tener drechu a una pensión más o menos digna y agora resulta de que nos quiten esi drechu con una llei inxusta, que taraza los derechos adquirios polos trabayadores.

    ¿Será que l'Estáu tien la idea de que l'artista tien que dexar de producir o ser probe de solemnidá? Porque 9.172,80 euros brutos al añu nun producen muncha allegría, sinón más bien dan pena.

    La cultura nun se paga. Y cada vez menos, nesti país lo qu'interesa ye que la población embruteza. Primero el mazazu de la subida del IVA al 21%, per otru llau rebaxar les hores de les asignatures d'Humanidaes nos programes educativos y agora, la última, esta legislación absurda, inxusta que supón otru atentáu contra la cultura. Paez que volvemos a escuchar la penosa frase proonunciada por Millán Astray na Universidá de Salamanca "Muera la inteligencia". Triste, pertriste. Amás de les consecuencies que tien esta normativa nel planu personal de cada autor, esmoleznos el tener que privar a la sociedá de les aportaciones que puedan realizar los nuesos creadores nuna etapa de la so vida na que'l grau de madurez, esperiencia y sabiduría tendría de ser mimáu y potenciáu.

    Los escritores y demás asrtistes xubilaos perciben pensiones cotizaes con trabayos que la mayor parte les veces nun tienen nada que ver cola so actividá creativa.

    Y una vez que-yos llega la etapa de la xubilación y tienen tiempu de dedicase dafechu a crear, penalízase-yos. Sí, esto ye un atentáu contra la cultura en toa regla y un ataque a los creadores qu'apurren el so esfuerzu pa beneficiu de tola sociedá. Triste, pertriste.

     

    Compartir en Twitter
    Compartir en Facebook