Blog 
Filazón
RSS - Blog de MªEsther  García López

Archivo

  • 21
    Marzo
    2014

    Comenta

    Comparte

    Twitea

    Carneiros

    La vida nun-y suel dir mui bien a quien anda dando carneiradas

    La pallabra carneiru paezme mui guapa ya significativa. Amás de nomar al machu de la ovea, n'Asturies llamámos-y "carneiru" al que ya mui cabezón, mui neciu. Carneiru ya quien fura por una parede ensin atender a razones ya ensin pensar si lo que quier consiguir tien siquiera fundamentu. Dar carneiradas nun suel tener bon fin. En tolos estamentos de la sociedá hai carneiros a embute, ya de tolas edades. Hai personas que yá son "carneiros" dende que nacen. Al principiu fainos hasta gracia, pero'l xen vei engordando mientres van medrando los nenos, ya cuando chegan a personas adultas exercen de carneiros pola vida. Seique, igual, que paez ser, qu'esiste'l xen egoísta (sobre esti tema invítovos a l.leer el títulu "El gen egoísta", de Richard Dawkins), de xuru que tamién hai el "xen carneiru", que naz cola persona. Ya tratándose de los xenes, muncho nun se puede facer.

    Pero nun voi referime namás a los "carneiros". Anque esta aceición nun se nos suel aplicar a las muyeres, con esto de qu'agora tamos más inmersas no mundu l.laboral, políticu ya demás, tamién hai "carneras", ya permítome bromiar cola l.lingua, que dan bonas carneiradas ya, por veces, somos inda peores que los "carneiros".

    No mundu animal, magar qu'agora las reses nun andan sueltas, hai pastores eléctricos ya demás adelantos pa l.lindar los animales, podemos pensar qu'enxamás vamos ser víctimas de las carneiradas de los carneiros. A mí que viví n'aldea socediéronme anéudotas que yá conté n'outras ocasiones. De nena, dalguna qu'outra vez tuvi que dame de patas ou xubime a una parede pa l.librame de la so neciura ya del so enfotu por turriar. Ya, sicasí tuvi que sufrir las turriadas d'un carneiru que m'arrequexóu nuna cuneta ya cegóuse conmigo hasta que me pudo l.librar d'él la sua ama. Taba tán enfotáu que siguíu turriando no muru. Ya turrien hasta facese sangre. Pónense tan al.louriaos qu'una vez que la víctima l.logra escapar, embisten contra lo que tienen delantre. Sicasí, de las outras "carneiradas" de xuru que nun nos l.libramos. Hai que siguir sufriéndolas. Ya si pensemos nos sitios que puede haber un "carneiru", que nun atiende a razones, lo que puede armar. Dalgo muito más l.lacerioso que las turriadas del animal.

    Hai un sabiu dichu qe s'aplica a los carneiros. "Diou muitas carneiradas na vida ya asina-y vei". Cuasique toos damos dalguna carneirada na vida. Seique nun hai naide que se l.libre.

    Ya p'acabar, "carneiru de l.lueca" n'Asturias llámase-y al cabezaleru ou a la persona que manda.

     
     
    <!-- ES REDIRECT => IFRAME EXTERNO ... --><!-- ANACODE REDIRECT --><!-- FINANACODE REDIRECT --><!-- INICIO PIXELCOUNTER -->
    anapixel
    <!-- FIN PIXELCOUNTER -->
     
    <!-- PAN Combo Ads 650x220 begin -->
     

     

    Compartir en Twitter
    Compartir en Facebook