Blog 
Filazón
RSS - Blog de esther_garca

El autor

Blog Filazón - esther_garca

esther_garca


Archivo

  • 25
    Febrero
    2018

    Comenta

    Comparte

    Twitea

    Oviedo asturias

    CÓMICOS BABAYOS

     

    Pa ser graciosu y facer rir hai que tener un don que naz cola persona

    mª esther garcía 25.02.2018 | 12:10

    CÓMICOS BABAYOS
    Cómicos babayos

    Una noticia sobre un videu colgaáu en youtube por unos "artistes" que se nomen cómicos, burllándose de la llingua asturiana, desata indignación de los qu' amamos la llingua de nuesu.

    Sí amigos, esti mundu ta enlleno de babayos, inorantes, manguanes, sinvergüences, fatos, atrevíos y otros munchos calificativos. Equí tol mundu sabe de too y permítese esbarrar nos medios de comunicación y crear opinión faciendo burlla de lo que seya, a veces de lo más apreciao, como ye'l bable pa los asturianos. Qué pena pa nós pola mor d'estos que se llamen cómicos y nun faen rir y que faen burlla d'un tema tan serio, del que nun tienen nin idea. Úsenlu pa enllenar un espaciu y pensar que son graciosos. Y ye que pa ser graciosu hai que nacer. Eso ye dalgo innatu que nun se depriende. Lo que pasa que güei con tal de dicir les mayores barbaridaes qu'hasta ofienden a les oreyes, too val. Tamos nun país onde trunfa lo cutre y por eso hai mierda per toles esquines.

    Pues mios neños, a mi nun me fai nin plizcu de gracia, toes eses babayaes coles que quixistis entretener a los oyentes. En vez de nomar les yegües igual podíeis ocupavos de los sinvergüences o los inorantes que tamién terminen en "es", o los babayos qu'acaba en "os" y que ye pa vosotros un calificativu guapu, guapu, y el más afayadizu. Yá que supuestamente tais de broma, podíeis aplicávoslo.

    Sí, l'asturianu ye una llingua, que procede del llatín, como'l castellán y como'l restu de llingües romances. Naz n'Asturies pa espresar la forma d'entender el mundu los asturianos, llingua falada dende cuantayá. Y sí, no únicu que tenéis razón ye que naz enantes que'l castellán. Por cierto, ¿Sabéis acasu lo que ye un dialeutu?

    Esa mala comparanza que facéis del asturianu col catalán intentando acizañar a la xente, pa mi que ye pa que, ente burlla y broma, semar la bronca y la desconfianza.

    Naide tien derechu a torgar l'usu d'una llingua, seya o non oficial. L'asturianu serálo pronto. Eso de la oficialidá, pa que lu entendáis, ye un un conceutu políticu. La llingua pervive dende cuantayá ensin ser oficial. Pero la oficialidá ye dalgo necesario pa poder dignificala, y usala ensin torgues n'alministración y n'otros contestos formales, ente otres coses.

    L'Academia de la Llingua Asturiana nun ye Real, pero nin falta que fai. Más que vos pese, ye una Institución del Principáu d'Asturies con tanta dignidá como cualquier Academia del Estáu.

    ¿Sois foriatos guapinos? porque aquí tol mundu se permite metese no nueso. Pues yá sabéis que los asturianos somos mui hospitalarios, pero nun nos gusta un res que faigan burlla de lo nueso, de lo que queremos tanto. A los asturianos nun nos gusta la dixebra, gústanos xunir, xuntar y dámoslo too y compartimos lo meyor cola xente que llega. Sí, invitámoslos a un culín, de sidra (no un culito), o a dos o a tres, o a quesu d'afuega'l pitu (non a quesu d'ahoga el pollo) y baillamos el xiringüelu, que non el "jiringüelo", y vamos de folixa, que non de "folija" y , asina un llargu etcétera. La "j "pa vosotros, que por ella entamen pallabres bien fees, pero como vos gusta tanto lo escatolóxicu?

    Qué penosos sois, que pena que nun tengáis otru tema de conversación pa facer la burlla que nun seya dalgo tan noble y que nos pertenez, la llingua propia, sí la llingua propia d'Asturies, que convive col castellán, y que tien pa nós unes connotaciones especiales, como les tien cualquier llingua pa los sos usuarios.

    ¡Qué penina, moninos! Sí, val más que recéis el Padrenuestru n'asturianu. ¡Qué Dios vos garre confesaos colo malos que sois como cómicos!

    http://www.lne.es/blogs/filazon/

     

    Compartir en Twitter
    Compartir en Facebook