Blog 
Filazón
RSS - Blog de MªEsther  García López

Archivo

  • 25
    Julio
    2013

    Comenta

    Comparte

    Twitea

    El "sobre"

     

    Cubiertas que pueden contener una carta o tarxeta y otres coses.


     Estos díes repítese con frecuencia nos medios de comunicación, la palabra «sobre», de la que de magar tenga una pila d'aceiciones, cuando sentimos pronunciar «sobre», viénsenos a la cabeza lo que pue traer dientro, que dende llueu son munches coses.


    Hasta va unes décades, yera una ilusión recibir un sobre con una carta dientro, sobre too si yera una carta esperada. Cuánto valor tienen agora aquelles cartes guardaes que llegaben con bones o con males noticies. Les cartes d'amigos y amigues, les tarxetes p'amosar la guapura de los llugares visitaos, en viaxes y vacaciones, les cartes d'amor, o de desamor. Hasta hubo amores que s'aniciaron a traviés d'una carta. Agora yá nun se ven los sobres de llutu, nin ye tan corriente ver los sobres d'avión qu' hasta hai unes décades sirvíen pa clasificar les cartes que diríen per tierra o pel aire. Sobres que los remitentes cuidábemos d'escribilos con too procuru, porque la primera impresión al recibir una carta yera que'l sobre tea curiosu y con lletra lleíble, anque llueu lo importante fuere'l conteníu. Agora cuasique toos lleguen con lletra d'ordenador, y perdióse asina l'encantu de lo escrito a mano.


    Sicasí, la forma de comunicanos cambió. Güei la mayor parte los mensaxes van per corréu electrónicu o a traviés de les redes sociales, y hasta l'amor llega por veces per internet, la nueva forma d'amor per correspondencia (asina se nomaba antaño cuando s'entamaba y s'alimentaba per «carta». Tampoco se cuida la forma, porque too son abreviatures y ta imponiéndose l'aforru de lletres; desapaecen les mayúscules y los signos sofitos de la escritura, como'l tilde y demás. Nun sé si asina l'amor con tanto aforru tamién será curtiu.


     Sin embargu, entovía recibimos cartes del Bancu, d'organismos oficiales, de multes y demás. El sobre sigue cumpliendo asina la so función de llevar dientro una carta, anque yá nun tenga la prestosidá de les recibíes antaño.


    Pero'l sobre, amás de sirvir pa mandar cartes, tien otros munchos usos. Sirve por exemplu pa meter perres.


    La espresión «dieron-y un sobre?», estos díes a toos nos trai dalgo a la cabeza, o trainos de cabeza. Colo que tamos escuchando nos medios de comunicación sobre los sobres millonarios y descomanaos que paez ser recibieron dalgunos políticos, gobernantes y exgobernantes, lo que se nos vien a la cabeza ye rabia ya indignación, impotencia y toos esos axetivos que la mayoría repetimos pero que nun nos sirven de nada, porque dellos gobernantes apéguense a la poltrona pase lo que pase y la xusticia, poco áxil ya ineficaz en munchos casos, ayuda a qu'estos sinvergüences «se vayan de rositas».
        


     


     

     

    Compartir en Twitter
    Compartir en Facebook