Blog 
Filazón
RSS - Blog de MªEsther  García López

Archivo

  • 23
    Marzo
    2015

    Comenta

    Comparte

    Twitea

    Oviedo asturias

    Esposición de mierda

    Esposición de mierda

     


    Una gran coleición de caques con polémica

     

     06.03.2015 | 03:59

     Esposición de mierda

     

     Una esposición nel Muséu de Ciencias Naturales de Madrí, qu'utilizó la mierda como recursu artísticu, llama l'atención de los visitantes.

     

    Hasta nun hai muncho, la palabra mierda taba ente les pallabres consideraes fees y malsonantes. Agora ye distinto porque paez que dicir pallabros ta de moda y nun fai falta tampoco utilizar eufemismos.

     

    Pero güei voi falavos d'una esposición de mierda qu'anque se define como incolora, inodora ya insípida, a mi paezme que güel abondo. Nel Muséu Nacional de Ciencias Naturales de Madrí, inauguróse'l 19 de noviembre, declaráu pola ONU Día Mundial del Retrete, una muestra titulada Excreta, que tará abierta al públicu hasta'l 24 d'abril. Nella puen vese una gran coleición de caques d'animales y humanes, ente otres coses, col enfotu de que nosotros tengamos una percepción más natural de lo que ye la mierda en sí. Nun sé si nos fai falta una esposición tan escatolóxica pa percibir que la mierda ye dalgo natural.

     

    Tampoco ye la primera vez que s'utiliza la mierda, o polo menos la palabra mierda, con fines creativos. Si facemos historia, yá Piero Manzoni nel añu 1961, punxo al preciu del oru lates con "mierda d'artista". Anque yá enantes, otros autores nel arte del Novecientos, utilizaron los escrementos y oxetos rellacionaos como recursu artísticu.

     

    Pero la muestra nomada Excreta nun quedó nuna muestra de caques de distintes testures y colores. El Muséu contrató a dos artistes, una d'elles asturiana, pa que desarrollaren una performance temática col mesmu nome: Excreta. La performance anunciábase nes redes sociales col mensax "La mierda ye vida ye abonu y ye rexeneración". Un mensaxe cola imaxe de les artistes echando una cagada nel xardín del Muséu, enriba del Monumentu a la Cosntitución ¡Casi nada! Cagase nel monumentu a la Constitución. Una estampa cuando menos provocadora. Caún que piense nes distintes imáxenes sensoriales que-y espertaría esta performance namás vela, anque fuera de forma virtual. Caún pue opinar y pensar lo que quiera, faltaría más. Podrán imponenos otres coses, pero somos llibres de mirar, rir, o llorar de pena, o de risa, y criticar ensin ser "críticos", cuando nos pete.

     

    Dempués d'esta "revolución" de mierda, acabó prohibiéndose la performance. Les artistes xustificábenla con un mensax "Yera dalgo poéticu, la Constitución ye de toos y elles diben abonala". Y amás, " el monumentu talamente paecía un "tronu". Y por más, alredor del arte, la xustificación de los críticos de la mierda qu'adornen con pallabres inintelixibles lo que nun suel tener nada de poéticu y nin ellos mesmos saben lo que dicen. Verdá ye qu'ahí poesía en cualquier requexu, hasta na caca. Namás hai que mirar colos güeyos del alma.

     

    Lo cierto ye qu'hai de too pel mundu artísticu, mierda nel arte y arte de mierda

     

    Compartir en Twitter
    Compartir en Facebook