Blog 
Filazón
RSS - Blog de MªEsther  García López

Archivo

  • 09
    Febrero
    2016

    Comenta

    Comparte

    Twitea

    Oviedo asturias

    Mazcaritos

     
     
     
     
     
     

     

    Mazcaritos

    Tiempu de comedies

    09.02.2016 | 09:44
    Mazcaritos
    Mazcaritos

    M.ª Esther García López A ver si nestos díes que que s'acerca l'antroxu nos damos un respiru de la política y nos allegren los caminos dalgunos mazcaritos. Porque fainos muncha falta rinos y pasalo bien.

    Dende'l 20 D tenemos gran estrés enriba con too esto de los pautos y de pensar en manes de quien vamos quedar pa que nos gobierne, porque pese a al determín del Rei que por fin depositó la confianza en Pedro Sánchez pa que formara gobiernu, nun sabemos entovía en que va quedar too. Nun nos dexaron en paz en toles navidaes. Y eso que nos deseamos pa, amor y felicidá pero ¡nun sabíemos lo que nos esperaba! Paez que lo fixeren adrede, poner les eleiciones unos díes enantes de nuechebona pa que nun nos prestare'l turrón.

    Y agora llega l'antroxu. Tiempu de comedies de tou tipu. Tiempu de ponese la mázcara, de ser un mazcaritu guapu o feu o como nos dea pola gana. Porque l'antroxu ye una fiesta que nos ilusiona y baxo la mázcara pue dir un neñu o un vieyu y toos gocen por igual de la maxa d'antroxase pa la ocasión. Sobre too, porque tres de la mázcara escuéndense tolos prexuicios qu'arrastramos a diario y tresformámonos n'otros seres que faen esparabanes y falcatrúes peles calles. Tropezamos con pantasmes, espantuyos y bruxes, cures, monxes, zaparrastros o payasos. Y hasta tropezamos con un tropel de políticos qu'esi día salen a la calle a danos a más pol sacu. Tiempu de comedies. Munchos lleven la mázcara puesta tol añu, y esi día tampoco la van quitar porque ye dalgo tres lo qu'escuenden les males mañes y les engañifes.

    De xuru que si vemos a dalgunos d'ellos caleyar antroxaos repararemos bien pa fuxir darréu, porque los que son tan hábiles coles tixeres, con estes tixeres que da mieu veles, que corten y recorten y recorten (esperemos qu'agora les tengan que guardar en caxón), son quien a recortanos el disfraz y dexanos en porrica en mediu la calle.

    Sicasí, hai que facer esceiciones. Por suerte non tolos políticos son iguales. Con dalgunos cabezaleros enfotaos en gobernanos igual podemos alternar n'antroxu y "dialogar".

    Los políticos desfilarán antroxaos. Otru que nun va faltar nesta comedia ye'l Rei. De xuru. D. Felipe vendrá a antroxar a Asturies, anque llueu nun nos faiga casu y fale n'árabe, en catalán, n'alemán, o en rusu y en tolos idiomes, menos n'asturianu, igualito que'l nuesu Presidente. Vendrán los dos, D. Felipe y Dª Leticia. Vendrán a antroxar, a comer la caramiel.la, el llacón, el picadiyu, l'adobu, los frixuelos, les casadielles y otros manxares. El Rei tien que reponer fuerces dempués de tanto cavilar estos díes. Probe D. Felipe. Debe tener la cabeza como un bombu de tanto oyer a unos y a otros. Probe D. Felipe, bona falta-y ha facer antroxar. Al mal tiempu bona cara y nun hai meyor llugar pa consolase qu'Asturies, porque somos folixeros como naide.

    Sabemos qu'hai munchos "antroxos" pel mundu que nun esperen l'antroxu pa fartase. Antroxos de perres y de llacuaes. Antroxos de postín, porque van bien elegantes colos traxes y corbates pagaos con perres públiques. Estos van antroxaos tol añu. Mazcaritos de por vida, cubiertos de perres.

     

    Compartir en Twitter
    Compartir en Facebook