Blog 
POESÍA DESBOCADA
RSS - Blog de Lauren

El autor

Blog POESÍA DESBOCADA - Lauren

Lauren

Letraherido ferviente de sangre y castigo.

Sobre este blog de Cultura

Este espacio aboga por la inmediatez de la poesía y la literatura. Una apuesta por la creación poética como parte inherente del mundo; la propiedad insalvable de la voz en esencia pura e incorruptible.


Archivo

  • 04
    Mayo
    2018

    Comenta

    Comparte

    Twitea

    Cultura Oviedo

    ASTURIES UNDERGROUND EN PABLO X.SUÁREZ

    Dende bien mozu vien amuesando Pablo X. Suarez, (Orviz, Siero, 1981), l'amor pol versu como un glayiu que retruca a la realidá con un conteníu social que ye espeyu de una forma de güeyar el mundu. La ironía y el humor garren protagonismu en los sos poemes con un toque underground con una mecigaya que xune la Asturies rural cola urbana. Militante de puxu de la llingua asturiana, anque tamién escribe en castellán,y facedor delles timbes poétiques, tien la siguiente opinión con motivu de la Selmana de les Lletres Asturianes   "La lliteratura asturiana esiste y resiste, construye l'asturianu común no llingüístico y aspira a ser, como'l so territoriu, pequeña y prestosa. Local y Mundial". Todo un antroxu lliterariu.

     

    CAMPILLÍN

     

    Polo menos el setenta y tres por cientu

    de los paisanos d'esta ciudá

    lleva camises de cuadros y pantalones de pinza

    mal entallaos.

    Nos chigres, pel atapecer, la media d'edá

    nun baxa de los cincuenta años

    los díes d'enteselmana.

    Un venti por cientu fuma tabacu negru

    y cuspe en suelu.

    Na tele, la metá de veces aproximao

    qu'hai partíu, xuelga'l Madrid.

    El trenta y seis por cientu de los pinchos na barra son de pollu

    cifra que namás dacuando supera la tortiella.

    Según les últimes encuestres

    del periódicu local

    la xente ta contenta col alcalde

    de dereches, que constrúi

    grandes fontes eyaculadores y edificios fálicos.

    Les cais tan llimpies, especialmente les del centru.

    A les seis de la mañana de los sábados

    y domingos, pasen máquines

    vomitando agua

    que llimpien lo qu'enantes emporcaron los borrachos.

    En tola ciudá

    namás hai una acera na que s'exerza

    la prostitución al pie de cai

    y nesa acera

    ta'l mio portal.

     

    "EL SISTEMA DÉBEME UNA CHOCOLATINA"- SUBURBIA, 2011

     

    FLOR DE SENTENCIES MORALES MAMIFERISTES

     

    Los mamíferos molen, los mamíferos son como nosotros

    les tolines son más intelixentes qu'un nazi

    hai chimpances que xueguen al supermario

    abraza l'osu como una amante

    la gata espurre'l pescuezu y miaga

     

    los mamíferos son de colores, mírennos

    dende un par de güeyos húmedos y tienen un pelo suave

    los mamíferos dexen guapamente que los afalaguen los neños

    tamién, en ciertu sen, los mamíferos son como neños

    los neños molen, causa pola que los mamíferos molen

     

    solidarízate con Disney

    salva les foques de peluche que viaxen en barcos de China oriental

    recicla la vaca de trapu puerca que tiraron los vecinos nel portal

     

     

    pero

     

    comi arroz con gambes

    mata la mosca que quedó atrapada na cortina

    pisa'l araña

    dexa morrer al pexe pela boca y al páxaru pela pólvora

    desprecia a los animales que ponen güevos

    maldiz a la culiebra que muerde como al oriciu que pincha

     

    porque

     

    na selva'l lleón manda, anque esti nun viva

    na selva propiamente dicha

    na ciudá. domina l'homo sapiens sobre'l restu de palombes

    productos químicos contra la cucaracha

    picos de gurrión muertu arroyando pelos canalones

    a una isla desierta, llevaríes un mamíferu

    cuando te dexe la moza comprarás un perru

    y con esi perru, en parque, atoparas una moza nueva con perru

    verán los vuestros fíos películes

    d'animalinos qu'amamanten

    amaras al mamíferu perriba los seres

    y coses toes y pelos sieglos de los sieglos toos

    ya'l to ancestru pintaba

    bisontes no fondo les cueves

     

    asina que

     

    mira pol mamíferu como por ti mesmu, mamíferu

    cuida'l to pelo de mamíferu, péinate

    peina a la oveya la llana y a la yegua la clina

    xuega a facer

    figures de mamíferos na ñeve

    bebi lo de la central lechera asturiana

    medita como un panda

    bendiz, en definita, la lleche

    que mamastí.

     

    PABLO X.SUÁREZ-"LITTLE BABILONIA"- SALTADERA 2018

     

     

     

     

     

     

     

     

     

     

     

     

     

     

     

     

     

     

     

     



     



     



     



     

    La
    lliteratura asturiana esiste y resiste, construye l’asturianu común
    no llingüístico y aspira a ser, como’l so territoriu, pequeña y
    prestosa. Local y Mundial.

     

     

     

     

     

     



     



     



     



     

    La
    lliteratura asturiana esiste y resiste, construye l’asturianu común
    no llingüístico y aspira a ser, como’l so territoriu, pequeña y
    prestosa. Local y Mundial.




     

     

    Compartir en Twitter
    Compartir en Facebook