Blog 
POESÍA DESBOCADA
RSS - Blog de Lauren García

El autor

Blog POESÍA DESBOCADA - Lauren García

Lauren García

Letraherido ferviente de sangre y castigo.

Sobre este blog de Cultura

Este espacio aboga por la inmediatez de la poesía y la literatura. Una apuesta por la creación poética como parte inherente del mundo; la propiedad insalvable de la voz en esencia pura e incorruptible.


Archivo

  • 05
    Mayo
    2017

    Comenta

    Comparte

    Twitea

    Cultura Oviedo

    Versu de muyer

    Asoleyase nestos díes "Escritores Asturianes", (Antoloxía de testos n'asturianu y gallego- asturianu), coincidiendo cola Selmana de les Lletres Asturianes dedicada a la muyer. La publicación amuesa una creación de 92 muyeres  que escoyeron la llingua asturiana como materia prima. Obres femenines que atopen l'universu dende la nuesa tierra. Un camín que entama Xosefa Xovellanos, (Xixón, 1745-1807) y fina cola poeta Claudia Elena Menéndez Fernández, (La Pola Siero, 1994). Sieglos de hestoria y lliteratura asturiana nun llibru baxo la coordinación de Lourdes Álvarez García. Aliendu con nome propiu de muyer y espeyu de la memoria.Mosaicu vivu d'Asturies; tastu duce del vientu. 

     

    MENTIRES PIADOSES

     

    Que durmiera tranquilu,

    que xuntara herba de más

    en payar

    -total, pa cuatro vaques

    que nos queden-y dixo.

    Contó-y qu'había perres

    abondes pa pintar la casa

    y retayar, si se terciara.

    Depués borió-y coses al escuchu

    que nun fuimos a oyir,

    igual que lu quería,

    quién sabe,

    que fueran felices esos años

    xuntos.

    Al final, salimos los cuatro

    camín del coche,

    les esnales de la nueche,

    como cuervos en llombu,

    enriba nós,

    aplastándonos.

     

    BERTA PIÑÁN (CAÑU, CANGUES D'ONIS, 1963)

     

     

     

     

    ALEXEI

     

    Sobre'l papel,

    el nome

    d'un desconocíu.

    Na esquina,

    prendida con un clip,

    la to sonrisa

    de neñu.

     

    La to sonrisa,

    Alexei,

    vieno hasta equí

    altravesando sombres,

    desafiando les lleis

    inciertes del destín.

     

    Les tos pisaes

    sobre la nieve sucio

    apunten a otres tierres.

     

    Y mientres,

    nes camperes

    d'arboles desnudos,

    unos páxaros

    llevanten

    el vuelu.

     

    MARTA MORI (XIXÓN, 1965)

     

     

     

     

    ALCORDANCES DE SABLE

     

    Alcuérdome d'un puñu de sable

    nel mes trece d'un añu que nun llegó.

     

    Esguilo poco,

    como yerba corta na primavera,

    como ave d'ala rota.

     

    Menguo cola humedá del mio esqueletu.

    El mofu orientaría la mio ruta enantes d'evaporase.

    Hai tantos caminos y tantes pérdides

    nesti mundu llaberínticu,

    un día nun seremos a volver.

     

    Intoxiquéme n'agües muertes,

    países escaecíos

    y pensamientos ensin midida.

     

    Vía un tiovivu alredor d'atapaceres turquesa,

    qu'al final, oxidáu, ardía en güeyos ayenos.

     

    Alcuérdoma d'un puñu de sable,

    les histories que contaba

    de los pies que la pisaron.

    Quedaben toles aventures por descubrir

    y una vida pa vivila en pocu tiempu.

     

    IRMA GONZÁLEZ-QUEVEDO PEDRAYES (UVIÉU, 1987)

     

    ESCRITORES ASTURIANES-ANTOLOXÍA DE TESTOS N'ASTURIANU Y GALLEGO-ASTURIANU-GOBIERNU DEL PRINCIPÁU D'ASTURIES- CONSEYERÌA D'EDUCACIÓN Y CULTURA- EDICIONES TRABE 2017 

     

     

    Compartir en Twitter
    Compartir en Facebook