Lne.es » Nueva Quintana
 Noticia anterior   Noticia siguiente 
Libros

Semeyes cotidianes

Les anotaciones de Xurde Fernández, visiones que son de toos y de naide

 09:09  
Enviar
Imprimir
Aumentar el texto
Reducir el texto
Semeyes cotidianes
Semeyes cotidianes  
 MULTIMEDIA

José Ängel GAYOL

Xurde Fernández propón una nueva entrega de la so prosa, esta vez cola cinta de ganador del premio de creación lliteraria «Lorienzu Novo Mier» de l'Academia de la Llingua Asturiana. «Díes d'iviernu» recueye les supuestes anotaciones que fai l'autor a lo llargo d'un iviernu. El filu conductor d'estos rellatos téxese con una fras inicial del tipu "Espierto a les?" y a partir d'ehí'l llector va topar reflexones, semeyes de xente y de llugares, alcordances, noxos y amores, y un bucéu psicolóxicu bastante fondu. El protagonista, alter ego del autor, espierta tolos díes y enfréntase a la vida diaria colos mieos y esperances propios de cualquiera. Los problemes conviértense en cosadielles qu'hai que resolver, y los amigos amiesten el contrapuntu a la psicoloxía del narrador.

El procuru llingüísticu del autor ye bultable, y supón una elección consciente del asturianu que Xurde Fernández quier escribir y cómo facelo. El tempu narrativu ta bien marcáu, y los personaxes preséntense colos vistíos descriptivos precisos pa que'l llector tenga una imaxe afayadiza d'ellos. Per otra parte, la unidá del conxuntu invita a una planificación meditada del oxetivu del testu. Nun ye una riestra de pieces de puzzle axuntaes nun momentu d'oportunidá, sinón que too apunta a una voluntá narrativa única y conxunta.

Sicasí, el llibru nun diz nada. Les reflexones, peligros, semeyes cotidianes de la vida de cualquiera nun dicen nada sobre ún mesmu, que ye lo que'l llector espera d'un llibru. Cuando se termina de lleer «Díes d'iviernu» queda ún cola sensación de que lu estafaran, de que-y vendieran gatu por llebre. Alcordances de Mieres, o un incidente con dos amigos nuna caravana de coches. Les sensaciones personales y ensin sabor del protagonista al espertar una mañana o la historia ensin mensaxe nin xacíu d'un paisanu de la redolada. Un llibru en Londres, un suañu o una resaca. Nada qu'otra persona, un llector ordinariu y d'infantería, nun viviera cuantayá o fai poco.

«Díes d'iviernu» ta mui bien escritu, pero nun diz nada. L'interés xube con dalgún cuentu guapu, malpenes un rellumu, de dalguién que l'autor conoció o del que sabe la historia. Y depués páxines y páxines ensin qu'asoceda nada, nin se narre dalgo más que la borrinosa realidá al rodiu del embeligru del protagonista.

Ye una pena que, con una cadarma bien guapa, a «Díes d'iviernu» -y falte tanta carne. Estes semeyes cotidianes son de toos, y de naide. Por suerte, Xurde Fernández sigue escribiendo y, quiciabes, nel futuru abandone les pasives, aburríes y planes fondures psicolóxiques p'abrazar una narrativa activa o d'acción que, poles traces qu'amuesa nes descripciones y nos personaxes, promete ser mui bona.

COMPARTIR
 
  HEMEROTECA

HACE 25 Y 50 AÑOS

Portadas La Nueva España

Portadas de La Nueva España

Las portadas de hoy de La Nueva España hace 25 y 50 años

      CONÓZCANOS:   CONTACTO |  LA NUEVA ESPAÑA |  CLUB PRENSA ASTURIANA |  PUNTOS DE VENTA |  PROMOCIONES      PUBLICIDAD: TARIFAS| AGENCIAS| CONTRATAR   
Lne.es y La Nueva España son productos de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de La Nueva España. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.


  Aviso legal
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca  | Empordà  | Faro de Vigo  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad