-Fray Luis.

-...

-Fray Luis, ¿me recibes?

-...

-Michu, ¿tas ahí, ho?

-Sí, tío, pero como llamaste a otru...

-Que me cayó fray Luis de León, gilipollas.

-Ah. ¿Y en qué página ta?

-No sé, tío, búscalu.

-Tranqui, ¿de dónde dices que ye?

-De León, joder. ¡Rápido, que vien el paisano!

-De la Vega, de la Cruz, de Tormes...

-Rápido, tío.

-¿Será de Góngora?

-¿Eh?

-¿Luis de Góngora?

-No, ye otru Luis, ¡un fraile!

-Cagonsuma...

-¿Qué?

-Que no lu topo, tío. Ah, sí, ¡aquí tá!

-Vete diciéndome.

-Excelso...

-¿Con equis?

-Sí, excelso poeta y bablista...

-¿Bablista?, ¿con uve?

-No, no, biblista, ¡biblista!

-Ah. Ya decía yo, siendo de León...

-Del Renacimiento ¿oíste?

-Eso tien que ser a les afueres. ¿Trae algo más?

-La foto, tío. ¡Vaya feu que ye!

-Michu.

-¿Qué? ¿Qué quies, ho?

-...

-¡Oye!

-No grites, tío. Que casi me pilla.

-Cuidao, igual tien inhibidor.

-Lo que tien ye un mosqueo...

-Díjetelo yo: valte más dar el cambiazu.

-¿En qué se inspiran sus poemas?

-¿Qué poemas?

-Los de fray Luis, tío, cita alguna oda.

-Quedamos a y cuartu, si quies.

-Michu, ¿me oyes? ¡Algún poema, tío!

-¿Eh?

-Algún poema del pavo.

-«Vida retirada», aquí tá.

-¿De qué va?

-«Qué descansada vida la del que huye del mundanal ruido...»

-Ajá.

-«...Y sigue la escondida senda...»

-¿En qué se inspiró?

-Imagínate, tronco. Siendo de León...

-Veraneaba por aquí, el cabrón.

-¡Claro! Enróllate hablando de tu pá, el tu hermanu, los tus tíos...

-Sí, sí, lo que ye la prejubilación.

-Aprovecha, tío, que de vida retirada sabemos mogollón.

www.maxirodriguez.es