Lne.es » Opinión
 Noticia anterior   Noticia siguiente 

Güertu virtual

Pa tener un bon güertu yá nun fai falta esforciase, la sementera virtual da bon frutu ensin tantu trabayu

 09:32  
Enviar
Imprimir
Aumentar el texto
Reducir el texto
Güertu virtual
Güertu virtual  

ESTHER GARCÍA Nun sei si sería la «concienciación» de consumu ecolóxicu, qu'afortunadamente ta caltriando ente nós, lo que me l.levóu nun vei muito a plantar un güertu, pensando en poder comer dalgo d'eso «de casa», que ya un manxar. Cuando encomencéi a cavar la tierra, yá cai na cuenta de que los mious güesos desavezáronse d'aquel.los trabayos que you deprendí de pequena, axudando a los mious pas, como tolos nenos n'aldea. Pero d'eso pasaron una pila d'años. You escoyí outru camín, que nun foi l'agricultura, ya anque nun se m'escaecéu aquel.lo que bien deprendiera, el cuerpu ya perl.listu ya afayse siempre a lo más cómodu. Inda asina, nun abandoné l'intentu, ya con abondo esfuerzu, semar, seméi'l güertu con zarramientu ya too. Cuando volví a los quince días, la yerba medrara penriba las llechugas ya al.lí nun se vía nada de lo que you semara. La collecha foi ruina ya'l mio intentu de volver a los oríxenes de nena aldeana, nun diou tol frutu que you esperaba. Sirvíu pa que toos se rirán de mi ya del miou güertu ensin sal.lar. Pero las cousas avanzan muito nesta dómina que nos tocóu vivir. Vei tiempu enteréime que pa tener un güertu yá nun fai falta cavar nin esforciase un res. Agora, quien quiera pue tener un güertu o una granxa d'animales ya casa de campu con árboles alredor. Disfrutar del l.labor de semar la tierra ya facese ganaderu, sobre too, pa matar el tiempu ya relaxase. Quien quiera ser agricultor ensin emporcar las manos, ensin goler cuitu, ensin cansanciu, ensin derramar gotas de sudor, agora pue tener facienda de manera virtual. Namás fai falta entrar en Facebook, na comuña de vecinos Farm tawn. Campos, güertos, cortes chenas d'animales, mascotas, de too. Ún pue facese un ricachón nesta «gran aldea» de la que yá muitos millones de personas somos vecinos. Namás fai falta constancia ya atender bien la facienda ya los semaos a traviés del ordenador.

A mi, francamente, de momentu nun me dieron ganas de plantar llechugas en Facebook. Nun compriendo mui bien cómo voi poder saborialas. Seique hasta daremos cola dieta perfeuta, comer alimentos virtuales, lo que ya lo mesmo que «facer que comemos». Al final perderemos del.los sentíos por nun usalos ya atrofiaránsenos l'olfatu, el tactu ya outras cousas. You de momentu confórmome con sorprendeme ya rime, a la mio manera, de toas estas tol.ladas. Quiciabes dalgún «espertu» me pue dicir que me ponga al día en nuevas teunoloxías, porque yá agora se pue disfrutar d'outras muitas sensaciones a traviés del espaciu virtual. Cuando seya una esperta en nuevas teunoloxías (too s'andará), quién sabe lo que chegaré a esperimentar. De momentu, cuando se m'ocurre «vivir» por unos momentos en Facebook, piérdome caleyando ya nunca sei onde m'alcuentro. Claro qu'esto tamién me pasa nel mio caleyar pela vida (digo física). ¡Piérdese una tantas veces!

COMPARTIR
 
  HEMEROTECA

HACE 25 Y 50 AÑOS

Portadas La Nueva España

Portadas de La Nueva España

Las portadas de hoy de La Nueva España hace 25 y 50 años

      CONÓZCANOS:   CONTACTO |  LA NUEVA ESPAÑA |  CLUB PRENSA ASTURIANA |  PUNTOS DE VENTA |  PROMOCIONES      PUBLICIDAD: TARIFAS| AGENCIAS| CONTRATAR   
Lne.es y La Nueva España son productos de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de La Nueva España. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.


  Aviso legal
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca  | Empordà  | Faro de Vigo  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad