-Esto acábase, Jairo. ¿Oíste?
-¿Y a mí qué me dices?
-¡Que colabores, oveya, y salgas a vender rifes!
-Yo paso, pá.
-¿Cómo que pasas? ¡Tú harás lo que yo te mande!
-Sí ho.
-Ye mui cómodo decir: ¿Nun traéis a "Assia" o a "Panorama"?
-¿Cuándo dije yo eso?
-¡La juventú tenéis que tomar el relevu! Si no, les fiestes van muriendo.
-¿Y qué culpa tengo yo?
-¡Tais echándonos a pique!
-¿Quién ho?
-¡Vosotros, con tantu botellón!
-Sí ho.
-¿Nun vos valía más tomar unos refrescos nel bar de la comisión?
-No me rayes, ¿vale?
-Entre vosotros, la crisis, pagar seguros, pagar la SGAE, el Principao que no da un chapu y?
-¿Qué?
-¡Les cuentes nun cuadren, Jairo! ¡Nun cuadren! Los fuegos artificiales vamos tener que facelos con la boca y salir yo en taca-taca con tu güela en plan desfile de carrozas.
-¿Y a mí qué me dices?
-¡Cada vez más impedimentos, Jairín! ¡Hai que tirar por ello!
-Yo paso, dígotelo en serio.
-¡Ah claro, luego ye mui cómodo vacilar de les fiestes que tenemos en el pueblu!
-¿Cuándo me viste a mí vacilar?
-¿Qué ye que vaciles poco bailando rancheras con la tu prima?
-¡Vaya ho!
-¿Y cuándo se te saltan les lágrimes d'emoción?
-¿A mí?
-¡Sí! ¿Qué crees que nun te pillé pensando quién pudiera tener la dicha que tien el gallo?
-¿Que qué ho?
-El gallo sube, echa su polvorete, rakatapún chinchín y se sacudeeeee.
-¡Bueno, pá, pero esi ye un temazo!
-Ah. Pues pa vivilu en directo hai que facer mucho papeleo. ¡Mira p'ahí!
-¿Qué ye eso?
-Informes técnicos, plan de evacuación?
-¡Joder, ni que trajéramos a "U2"!
-Hai que pedir permisu hasta pa silbar cumbies.
-¡Puf!
-Y ni un apoyu oficial, ¿oíste? Como nun tiréis vosotros d'ello?
-¿A mí qué me dices?
-Que si nun hai perres, y con tantu impedimentu?
-¿Qué ho?
-El añu que vien: misa y procesión. Y luego, hala, ¡pa casa too dios!
-Yo rifes nun voi vender, ya te lo digo.
-Tu pá luchando como un cabrón pa tener les mejores fiestes del concejo y tú...
-¿Pero por qué tengo que salir yo a pedir?
-¡Porque tamos desbordaos, Jairín!
-Dame vergüenza, pá.
-Un hostiazu ye lo que te voi dar.
-¿Por?
-Yes igual qu'esos repunantes que tan tol día protestando, que si el ruido, que si los voladores, que si nun duermen por culpa los petardos?
-Hai gente pa too.
-¡Por dos días al añu! ¡Hai que tar amargaos! Esto acábase, Jairo. ¿Oíste?
-¿Y a mí qué me dices?
-¡Que colabores, oveya, y salgas a vender rifes!
www.parandoenvillalpando.com
