-¡Yes un desastre! ¿Cómo voi topar les llaves del coche?
-¿Por?
-Aquí ahí de too, menos orden.
-¡Mira bien, Manuel!
-Topar algo nel tu bolsu ye más difícil que facer gárgaras boca abajo.
-¡Tienen que tar ahí! ¡Guardeles yo!
-Bolígrafos, kleenex, destornillador, una funda de gafes rota, un chupu, chicles caducaos...
-¡Mira bien ho!
-¿Cómo nun te va doler el llombu con tolo que lleves enriba, Marisina?
-¡Sacúdelu ho!
-Agenda, pastilleru, pinces, crema, tres candaos, un cargador?
-¡Si suenan, ye que tan ahí!
-Tarán, sí. ¿Pero ónde ho?
-Mira nel bolsín.
-¿Qué bolsín ho?
-El bolsín interior.
-¡Cagonmimacho, Marisa, bolsinos hai treinta y dos!
-El de la cremallera, onde les lentilles y la seda dental.
-¿Qué ye esto? ¡Aggg, un trozu de casadiella!
-Ay, teníala envuelta?
-Rímel, polvera, libretina, posavasos, tampones fosilizaos...
-Mira bien.
-¡Yes un desastre! ¿Pa qué quies mecheru si nun fumes?
-No sé, Manuel.
-¡Vaya caos, fía! ¡Menudu plan de vida!
-Ya. Tengo que poneme y mandar too a la mierda.
-¿Los cachivaches estos?
-Y los apegos, las relaciones que no me aportan?
-¿Qué qué ho?
-...La gente tóxica?
-¡Déjate de rollos, desastre, que yes un desastre!
-...Y mis miedos...
-Na, que nun topo las llaves. ¡Yes un putu desastre!
-Lo que me frena?
-¿Qué farfullas ho?
-Que sí, Manuel, que tengo que facer limpieza y mandalo too a la mierda.
-¡Contigo nun se pué facer na!
-Ya...
-¡Inútil, ni unas llaves sabes guardar!
-Tolo que me sobra, lo que me haz sentir mal...
-¡Si no fueras tan inútil?!
-...Enfrentame al caos.
-¿Pero quiés dejate de rollos y dame les llaves d'una puñetera vez?
-No.
-¿Qué?
-Les llaves, el coche y el bolsu son míos. Y en mi caos mando yo.
-¿Qué dices ho?
-Cierra el bolsu, sal de mi casa y vete a la mierda.
-¿Qué dices, tía?
-¡Chao, Manuel! ¡Toi de limpieza!
www.parandoenvillalpando.com
