-¡Home! ¿Qué tal ho?
-¡Wuaaaa, tío, genial!
-Volvemos por Navidá.
-Ya. Cuatro turrones, tres copines y otra vez pa Berlín.
-Abriendo la mente, como tién que ser.
-Ya lo dijo el ministro: los que salimos a currar fuera ye pa fortalecer habilidaes sociales.
-Sí ho.
-Tien tola razón. Yo tengo la muyer y la guaja aquí pero digo: voi buscame la vida a Londres pa socializar y tal.
-Claro, chaval, nuevos horizontes.
-Mira, aquellos tres fueron compañeros míos de facultá.
-Ah.
-Unu ta en París y los otros en Dublín.
-¡Wuaaaaa! ¡En estes feches Villalpando mola mucho!
-¿Por?
-¡Ye como un capítulo de "Asturianos por el mundo"!
-Ya. Y nun ye que falte curro, ye que nos mola viajar.
-¡Home vaaa! Yo lo de dir a fregar platos a Londres nun lo cambio por na.
-Ni yo. Ya lo decía la Bañez: ¡Movilidá exterior!
-Aquí emigramos por viciu, sí señor.
-Nesti país vívese y trabáyase como Dios.
-Eso de culpar a les polítiques de recortes y austeridá ye una pijá.
-Bah, y lo de la fuga de cerebros, igual.
-Ganes de putear, ¿oíste?
-¿Sabes el futuro perfecto del verbo trabayar?
-Sí ho: Yo pa Alemania, Tu pa Noruega, Él pa Brasil?
-¡Ye lo que hai, manín! El ministro de Exteriores sabe mui bien lo que diz.
-Yo fice dos carreras y un master y entraronme unes ganes de dir a socializar a cadiós?
-Normal. Porque tienes inquietud, préstate conocer gente, cambiar de clima...
-Y el mi hermanu, que vive en Oviedo, ta pensándolo tamién.
-¿Ta nel paro?
-¡Qué va ho! Ye trabayaor en periodo de ociu temporal...
-Ah.
-...En espera de movilidá exterior.
-O sea, que tendrá que liase el petate y emigrar, como tu.
-¡Ta deseándolo! ¡Tien tres fíos y espíritu aventurero! ¿oíste?
-Ya. Ye que lo de salir a buscase la vida fuera ye una pasada.
-Si te quedes ye por estrechez de miras.
-¡Home va!
-Con lo guapo que ye volver a casa por Navidá.
-¡Home calla!
-Nun me digas na...
www.parandoenvillalpando.com
