-¿Esti finde tampoco?
-Qué va, el guaje tién partido.
-¿Partido? ¿Y el que vién?
-Hai que llevar a revisión a mi pá y luego a comer a casa de tu tía.
-Ni un putu sábado pa nosotros, ¿a ti paezte normal?
-Ye lo que hai, Florín.
-¿Y cuando vamos a tener un ratín pa...?
-Anda, anda.
-¿Cómo que anda? ¡Toi frayau, Marisa!
-¿Por?
-Nun pueo más, en serio.
-¡Bah, la mediana edá ye lo que tién! Tamos ahí, como el sandwich.
-¿Que qué, ho?
-Presionaos entre pan y pan, en el medio, cuidando de los fíos y los padres.
-Ya, pero...
-Tócanos aguantar a la familia por los dos laos.
-¡Puf!
-¿Qué ye, ho?
-Llegas a los cincuenta y picu, pienses que vas vivir tranquilu y?
-A la familia hai que cuidala, Florín.
-¿Vas decímelo a mí? ¿A mí me lo vas decir? ¿A mí que llevo tolos días del añu a la mi fia al curro, al nietu a la guardería y a tu pá al centro de día?
-¿Qué quiés?
-Voi a trabayar, y depués, llevo al guaje a entrenar y a mi má a pasear.
-Ye lo que hai, Florín.
-Marisa, yo...
-Mi pá y mi má siempre nos ayudaron, ahora tócanos a nosotros.
-Nun te digo que no. Pero un día y otru y otru y otru y?
-Anda, mira a ver qué quier tu pá, que debe tar discutiendo con el críu.
-¡Puto sandwich!
-¿Que qué, ho?
-¿Cuándo vamos sacar un ratín pa nosotros? ¡Un ratín, Mari!
-Cuando toos vayan pa la cama ponemos una peli.
-¡Pero si te duermes!
-Ya.
-¡Y yo tamién! ¡Porque tamos agotaos! ¡Agotaos!
-¿Qué quiés, vida? Teniendo los fíos en casa, el nietín y, claro, hai qu'echar una mano a los güelos, que tu pá mira qué mierda de pensión y-quedó.
-Ya, al probe nun y-da ni pa pagar los medicamentos.
-Por eso, vida.
-Marisa, yo?
-Y menos mal que nos tenemos el unu al otru, así la carga ta más repartía.
-Escucha, Marisa?
-¿Qué, ho?
-...Toi como si soportara muches cargues de hormigón, una tras otra?
-Menos mal que nos tenemos el unu al otru.
-Marisa, yo?
-¿Tas llorando, Florín?
-¿Qué dices, ho?
-¿Por qué llores, ho?
-¡Puto sandwich! Marisa, tenemos que hablar.
-¿Hablar? ¿De qué quiés hablar?
-Siéntate. ¿Queda ginebra en el mueble bar?
www.parandoenvillalpando.com
