La Nueva España

La Nueva España

Contenido exclusivo para suscriptores digitales

Les escursiones de la Gesta

Convién recordar cómo funcionen les actividaes estraescolares nos centros docentes pa dexar clara la polémica tendenciosa de la escuela La Gesta. Procedimentalmente, tienen que se notificar y aprobar a primeros del cursu, nun s'improvisen d'un día pa otru. Los profesores responsables de cada materia propónenles si lo consideren conveniente y si-yos apetez: en ninguna parte pon que tengan la obligación de salir colos alumnos fuera del centru, anque lo habitual de la práctica pueda dar a entender otra cosa. Si, voluntariamente, el profesor d'Asturiano organiza una salida colos sos alumnos, nun procede que lleve a los que nun lo son, ente otres coses porque ye fácil suponer que munchos padres d'esos otros alumnos nun simpaticen cola materia y por esa razón nun los matricularon. Mutatis mutandis, si'l profe de Relixón saca los d'él a ver belenes en Navidá, los de la materia que s'ofrez en contrapartida (en Secundaria llámase Valores Éticos, nun sé si en Primaria ye igual) nun van y los padres d'estos últimos hai que suponer que tean conformes y que nun vean discriminación. D'otra manera, si la dirección de la Gesta nun se compromete cola escursión organizada polos padres nun ye que nun quiera, sinón que nun puede. ¿Quién asume la responsabilidá si pasa algo?

Compartir el artículo

stats