Escritu de mayu de 1992: "A estos políticos nuestros amedránalos tóu lo que güel a Asturies. Ye miéu (...) Nun quieren oyer nada de competencies, anque la Xunta Xeneral namás pueda devanicar sobre l'ámbitu del cámbaru roxu americanu. Nun quieren oyer nada de camudar l'Estatutu, ye más cómodu pa ellos siguir nuna autonomía de tercera rexonal y dexar que "Papá Madrí" decida. Tampoco nun quieren oyer nada de llingua asturiana porque, como dicía Pepín de Pría, nin la conocen, nin quieren conocela por nun dase'l trabayu d'estudiala (...) Dempués, una vegada al añu, hai que celebrar la "Selmana de les Lletres Asturianes" y les sos boques enllénense de pallabres imperioses. Tóu son "bones intenciones" que, al otru día, escaecen como si un andanciu d'amnesia atacara les sos cabeces: ya nun tendrán quálcordase del "bable" hasta l'añu venideru". Un cuartu sieglu dempués, sigue'l miéu.
