El Serviciu de Normalización L.lingüística de Cangas del Narcea entama un cursu d'asturianu occidental. Les clases, que son de baldre, van celebrase ente'l 4 de payares y el 21 d'avientu, tolos llunes y miércoles de 18 a 19.30 hores na Casa la Cultura Palaciu d'Oumaña. Toles persones interesaes en deprendes meyor les característiques d'esta variedá del nuestru idioma van poder apuntase enantes del 4 de payares na Casa la Cultura o al traviés del teléfonu 985812617 y nel corréu electrónicu l.linguacangas@ayto-cnarcea.es. Per otru llau, la Xunta pola Defensa de la Llingua Asturiana pon un cursu d'asturianu, nivel aniciu, n'Uviéu. Les clases van empezar el 10 de payares y van ser tolos martes y xueves ente les 19 y les 21 hores nel Conceyu Abiertu d'Uviéu. Les persones que quieran apuntase van poder facelo al traviés del teléfonu 679650998 o'l corréu info@exunta.org. El preciu del cursu ye de 20 euros pa socios y de 30 pal restu de persones.
Otra manera, hasta esti 28 d'ochobre ta abiertu'l plazu pa inscribise nel Taller de llectura n'asturianu qu'entama la Casa de la Llingua de Corvera, en collaboración col área de Cultura del Ayuntamientu de Mieres. El taller, que ye de baldre y que quier ser una manera d'acercase a la lliteratura asturiana actual, va ser impartíu pol técnicu responsable del Serviciu de Normalización Llingüística de Corvera, Rafael Rodríguez Valdés. Les inscripciones van poder facese nos rexistros del conceyu hasta'l 28 d'ochobre; la primer sesión del taller va facese nel Centru Sociocultural de Les Vegues el xueves 29 d'ochobre a les 19 hores.
