El C.P. San Miguel de Trevías (Valdés) acoyó la obra de teatru "La vendedora de pallabres", de Factoría Norte. Trátase d'una actividá rellacionada cola Axenda Didáctica y de la que pudieron disfrutar tanto los escolinos d'Infantil como los de los seis cursos de Primaria. L'argumentu de la obra ye'l d'una muyer que vende coses, pero non coses cualquiera: vende palabres. Por eso, les histories van dir saliendo del bolsu de la muyer. Histories de la tradición asturiana y que reflexen les nuestres costumes. La obra tuvo la intención de normalizar el fechu teatral n'asturianu ente la mocedá, desarrollar la espresión oral y afalar l'interes pola nuestra tradición cultural.
