El Conceyu de Samartín del Rei Aurelio, al traviés de les conceyarlíes de Cultura, Educación y Mocedá, entama les XIV Xornaes de Lliteratura Infantil y Xuvenil, onde los llibros, el teatru y la poesía van convertise nos protagonistes de la programación cultural. Ente les actividaes destaquen los talleres de lletres, qu'esti añu van tar dedicaos a la poesía y que van contar cola collaboración especial del escritor Pablo Reodíguez Medina y los monitores de l'Asociación Cultural Bocina Nalón. Les sesiones van facese los vienres 6 y 13 de payares a les 18 hores, na Casa de la Mocedá de Sotrondio. Nel mesmu sitiu y a la mesma hora, el vienres 27 va inaugurase una esposición colos trabayos fechos nos talleres y va facese la entega de diplomes y l'actu de clausura. Per otru llau, a lo llargo de tol mes, el Teatru Municipal va acoyer delles sesiones de teatru escolar.