La Nueva España

La Nueva España

Contenido exclusivo para suscriptores digitales

ALICIA G. GARCÍA | Autora de "Bernalda, la cuélebre"

"El llibru pretende mostrar a los neños que la llectura ye dalgo risondero"

"La versión n'asturianu que fixo Iván Huerga va prestar tanto o más que l'orixinal en castellanu"

L'autora d'esta novela infantil.

Xixón, D.B.

Alicia G. García (Xixón, 1972) publicó dos noveles, pero "Bernalda la cuélebre y el secretu del monte" ye'l so primer llibru infantil, editáu primero en castellanu en Chile y n'España. Na obra, nárrase la historia d'una cuélebre que ye la cuidadora de Marta, una rapacina espabilada cola que va vivir una grandísima aventura.

-¿Qué enseñances puen sacar los neños de la llectura d'esti llibru?

-Lo primero, y igual lo más importante, ye que los pequeños que decidan descubrir la historia de Bernarda, van pasalo bien, van esfrutar de les sos aventures, y de xuru van a encariñase con ella. Tamién van entender lo importante que ye l'esfuerciu y la paciencia, pa consiguir algamar los suaños, y lo guapo que ye trabayar n'equipu.

-¿Qué repercusión tuvo la edición en castellanu?

-Prestó muncho a los pequeños. Tanto la llectura de la historia, como les actividaes que depués realicé en delles escueles, entemecer llectura y xuegos resultó un descubrimientu pa ellos.

-¿Cómo surdió la idea de publicar n'asturianu?

-El méritu ye d'Iván Huerga. Él conoció la historia nos sos oríxenes y propunxo presentala a Trabe pa la so valoración. El trabayu que desenvolvió Iván ye impresionante, toi segura que va gustar tanto o más qu'en castellanu.

-¿Amás del cuentu, qué otres coses van poder atopar?

-El llibru pretende mostrar a los neños que la llectura ye dalgo risondero, por eso la idea d'añadir los pasatiempos al final, pa que puedan xugar una vez rematada la llectura. Esta mesma idea foi la que nos llevó a crear un blog nel que los más pequenos puen entrar y participar, ellí van atopar a los personaxes de la historia pa descargar y colorear, amás d'idees pa facer manualidades.

-¿Qué papel xueguen les ilustraciones?

-Nun llibru infantil, fundamental. Reflexar n'imaxes una idea que namás aparez viva na mente del escritor, ye una xera bien complicada. Por suerte, conté cola collaboración de José Manzanares, un ilustrador impresionante y una persona encantadora. Amás, tuvi l'ayuda de les mios fíes pequeñes, a les qu'enseñaba los bocetos nos que trabayábamos y sobre los qu'elles suxuríen cambios, hasta consiguir la nuestra Bernarda.

Compartir el artículo

stats