Aprovecho esti mediu pa espresar el mio enfadu porque nun se-y da apenes importancia al fútbol femenín. ¿Qué ye un deporte sólo masculín y les moces nun merez la pena que xuguemos? Sólo televisen los partíos masculinos, de los femeninos televisen únicamente los Mundiales y amás non nuna cadena principal. Nun pescancien qu'una xugadora española nomada Vero Boquete ye la 4.° meyor xugadora del mundu y mui poques persones saben quién ye, al contrariu de cualquier xugador de fútbol masculín, que digas cual digas a casi tol mundu-y suena. Hai poco foi'l Mundial de fútbol femenín, onde participó España, y casi naide les sofitó porque de xuru que casi naide lo sabía. Sería xusto que se-y diera más importancia, información y publicidá, yá que son mui bones y precisen fuercia pa, llegáu'l momentu, algamar lo que se propongan. Espero que tolos medios de comunicación ya instituciones sirvan d'exemplu, porque la llucha contral machismu nun ye sólo bones pallabres, y que dalgún día esti mundu camude y se-y de la mesma importancia al mesmu deporte, ensin tener en cuenta'l xéneru.