Candás acueye’l Reguerada Fest, puntu d’alcuentru de la cultura y la empresa n’asturianu
La cuarta edición de la cita, entamada pola Conseyería de Cultura, Política Llingüística y Deporte del 14 al 16 de payares, inclúi una amplia programación gratuita pa tolos públicos con música, artes escéniques y visuales, lliteratura, gastronomía y una feria d’empreses con más de venti entidades participantes
Ambiente d’una edición pasada del Reguerada Fest. / Cedía a Lne
La Conseyería de Cultura, Política Llingüística y Deporte pon en marcha la cuarta edición del Reguerada Fest. Candás va ser del 14 al 16 de payares un puntu d’alcuentru de la cultura y el mundu empresarial n’asturianu. La inauguración va facese esti vienres a les 17.00 hores, cola participación de la Banda de Gaites de Candás.
La programación ye gratuita y dirixida a tolos públicos: les más de les actividaes van celebrase na Fábrica d’Ortiz, qu’amás va acoyer la feria d’empreses, con más de venti entidaes participantes. L’horariu ye esti: el vienres de 16:30 a 20:30 hores, el sábadu de 12:00 a 14:00 y de 16:30 a 20:30 hores y el domingu de 12:00 a 15:00 hores.
El programa incluye charles que van tratar temes como la escritura, la empresa y l’asturianu o la oralidá na cultura asturiana. Va haber espaciu pa la gastronomía, de la mano de Lluis Nel Estrada, que va facer un showcooking, y un taller d’averamientu a la formentadura de cerveza artesano con Cotoya.
Amás, visites guiaes per Candás con Ser Asturianu, la grabación d’un podcast con Aitana Castaño o un taller d’iniciación al baille tradicional con Santi Galguera.
La poesía va tar mui presente tanto’l sábadu, col recital al cargu de José Luis Rendueles, José Manuel Gayol (Babel de cal Cadete), Esperanza Medina y Ángeles Carbajal, como’l domingu, que va haber recital de poesía electrónica con Alfredo Garay, Marina Pangua y Lluis Xabel Álvarez, cola música de The Coffee Boy.
Ambiente d’una edición pasada del Reguerada Fest en Candás. / Cedía a Lne
La ufierta musical del Reguerada Fest incluye los conciertos de Ferla Megía y d’Herbamora.
Montesinos recueye la programación infantil y moza del Festival, qu’ufierta tres talleres (Garra l’móvil, Fai’l to xuegu y Breve inventariu de los seres escondíos), el cuntacuentos Contando colos deos y la representación teatral Al rodiu l’horru al cargu d’É Vero Teatro.
El Festival zarra’l domingu a les 14:30 hores con danza prima al cargu del grupu de baille San Félix
Esti alcuentru rinde homenaxe a Antón de Marirreguera, natural de Carreño y autor de la que se considera la primer obra lliteraria conservada n’asturianu, fechada nel sieglu XVII.
Dalgunes de les actividaes precisen inscripción previa na web: https://entradas.turismoasturias.es/es/
Tola programación del Reguerada Fest pue consultase na web www.asturiesculturaenrede.es.
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- El Supremo tumba la estabilización docente de Asturias por vulnerar los derechos de las personas con discapacidad
- Llega el AVE gratis a Asturias, pero no para todo el mundo: así se pueden conseguir los billetes sin coste
- Los empleados públicos del Principado son el “quinto concejo” de Asturias y el próximo año serán 1.500 más
- La mujer que cayó al vacío en la canal del Texu llevaba un brazo escayolado y al perro atado con la correa
- Fallece Marisa Lacera, cofundadora del grupo de limpieza Lacera, el tercer mayor empleador privado de Asturias
- “Hay meses que es insostenible”, gritan los autónomos de Asturias en una multitudinaria manifestación para reclamar “condiciones dignas”
- La Aemet alerta de temporal en la costa de Asturias: así comienza el mes de diciembre
