“Los drones nun son un xuguete”, indica'l subinspector Iván Martínez, integrante de l'apocayá estrenada Unidá de Protección y Seguridá Aérea de la Xefatura Superior de Policía, que tien como encargu'l control de los vuelos d'estos aparatos. Y ye que, en bona parte de la xeografía asturiana, en casi tola mariña, la mayor parte del monte y tolos espacios protexíos, toles grandes ciudaes y el perímetru d'infraestructures sensibles, como l'Aeropuertu d'Asturies, l'aeródromu de Llamorgal o los helipuertos del HUCA, Ibias o Tinéu, ta prohibida la presencia nel aire d'estos aparatos ensin un permisu que tien de solicitase diez díes enantes del vuelu programáu. La unidá antes aludida ye la que tien de tramitar el permisu, comprobar que les persones que van realizar los vuelos cunten coles autorizaciones necesaries y verificar in situ que se cumplen toles normes. Si incumple la normativa, les multes anden ente los 6.000 y 600.000 euros.
Esti día, los axentes adscritos a la unidá moviéronse hasta Xixón pa inspeccionar los vuelos de la empresa Locis SIGTech, contratada pol Conceyu de Xixón pa controlar la evolución del volume de sable na playa de San Llorienzo y parte del ríu Piles. Los operarios de la empresa, propiedá de Salvador Suárez, establecieron dellos puntos de verificación y el dron tenía de percorrelos realizando les fotografíes y midíes. Pero primeramente había un trabayu ineludible. De primeres, “non tol mundu puede volar un dron”, esplica Iván Martínez. L'aparatu tien de tar rexistráu na Agencia Estatal de Seguridad Aérea y ENAIRE, el xestor de navegación aérea d'España, y los pilotos tienen de pasar unos exames que los acrediten pa remanalos. Diez díes enantes del vuelu, tien de solicitase permisu a la Unidá de Protección y Seguridá Aérea, que lo comunica al Ministeriu del Interior pa que lu autorice.
Toos estos pasos diólos la empresa Locis SIGTech pa realizar los sos vuelos na sablera de San Llorienzo. El pilotu, Miguel Ruiz, cuntaba con tolos permisos, y el so aparatu, un Phantom IV de la marca DJI –que s'ufierta n'internet a un preciu d'ente 1.500 y 1.800 euros–, taba debidamente rexistráu.
L'entamu de los vuelos foi na escalera 2 de San Llorienzo. Numberoses persones que facíen exerciciu en San Llorienzo amosaron interés pol operativu, supervisáu pol subinspector Martínez y l'axente Rubén Llano. Fizo falta calibrar l'aparatu primero d'entamar el vuelu. El dispositivu cunta con un paracaíes en casu de que fallen los motores que lu llevanten nel aire. En tierra, el pilotu Ruiz remanaba l'aparatu con una consola, mientres otru operariu, Javier Álvarez, abalizaba la parte más occidental de la sablera, que diben ser los puntos onde'l dron realizaría les midíes.
Áreas restringidas al vuelo de drones recreativos
Cabo
Peñas
Aeródromo de Villafamil
CTR
Asturias
Helipuerto de
El Musel
Helipuerto
de Tineo
Helipuerto de
La Morgal
Picos
de Europa
Helipuerto
del HUCA
Cuencas
mineras
Ponga-Amieva
Negueira
Puertos
de Marabio
Somiedo
Fuentes del Narcea-Degaña
e Ibias
Ubiña-
La Mesa
Aeródromos
Helipuerto
de Ibias
Espacios naturales protegidos
Áreas restringidas al vuelo
de drones recreativos
Cabo
Peñas
CTR
Asturias
Helipuerto de
El Musel
Aeródromo de Villafamil
Helipuerto
de Tineo
Helipuerto de
La Morgal
Helipuerto
del HUCA
Picos
de Europa
Cuencas
mineras
Ponga-Amieva
Negueira
Puertos
de Marabio
Somiedo
Fuentes del Narcea-Degaña
e Ibias
Ubiña-
La Mesa
Aeródromos
Helipuerto
de Ibias
Espacios naturales protegidos
Áreas restringidas al vuelo de drones recreativos
Cabo
Peñas
Aeródromo de Villafamil
CTR
Asturias
Helipuerto de
El Musel
Helipuerto
de Tineo
Helipuerto de
La Morgal
Picos
de Europa
Helipuerto
del HUCA
Cuencas
mineras
Ponga-Amieva
Negueira
Puertos
de Marabio
Somiedo
Fuentes del Narcea-Degaña
e Ibias
Ubiña-
La Mesa
Aeródromos
Helipuerto
de Ibias
Espacios naturales protegidos
N'Asturies, la Policía entá nun sancionó a naide por vuelos illegales de drones. Sí la Guardia Civil. Hai dellos usuarios que nun se conformen con volar los sos drones ensin permisu, sinón que depués mángenlo nes redes dexando constancia del delitu. La Policía quier dexar claro que va escorrer estos vuelos illegales con tol pesu de la llei. Dequí a poco va instalar n'Asturies el sistema Sieglu CD, que puede detectar el vuelu de cualesquier dron nel espaciu aéreu de la rexón, especialmente indicáu contra ataques dende l'esterior. Enagora, solo funciona en Madrid, Galicia y Valencia, pero dirá incorporándose adulces al restu de les rexones.
Lo que quieren encamentar dende la Unidá de Protección y Seguridá Aérea ye que nun se puede volar ensin permisu nengún dron, nin siquier los modelos “mini” de menos de 250 gramos que se tán comercializando. “Si lleven cámara, precisen un permisu”, esplica Iván Martínez. Lo cierto ye que namás en bien poques zones pueden volase drones ensin permisu. Tola mariña asturiana ye zona vedada al tratase d'árees protexíes p'aves. Solo se salva una pequena área en redol a L.luarca y Gozón, la mariña oriental xixonesa, parte de la villaviciosina –sacantes la ría– y la de Colunga. La área de protección del Aeropuertu d'Asturies espúrrese hasta Ouviñana, en Cuideiru. El monte asturianu, sacantes Ayer, tamién ta cerráu a drones. En toles grandes ciudaes nun se pueden volar drones ensin permisu, de forma qu'hai un gran triángulu na zona central vedáu a estos pequenos aparatos.
Equí pueden consultase les árees onde ta prohibíu, acutáu o reguláu'l vuelu de drones
