Carlos Rubiera publica '30 asturianaes', una triloxía sobre la tonada

El cantante y compositor xixonés Carlos Rubiera presenta estos díes '30 Asturianaes', una obra en formatu llibru-CDs col que pon el ramu a más de venti años d'estudiu, revisión y composición nel ámbitu de la Canción Asturiana.

Nesta obra, Rubiera sigue la estela de los clásicos, pero cola perspectiva del tiempu actual, convirtiéndose esti trabayu nuna especie d'enciclopedia sonora de l'asturianada.

Recuéyense un total de 30 pieces vocales xunto con tres pieces instrumentales orixinales pa gaita; contando pa la so grabación cola collaboración d'intérpretes como José Angel Hevia, Javier Tejedor, Xuacu Amieva, Mariluz Cristóbal Caunedo, Diego Pangua, Flavio Rodríguez Benito o Llorián García.

Nel llibru axúntense les lletres de tolos cantares, la partitura de la 'Marcha d'honor', compuesta por Rubiera y grabada por Hevia, y dellos testos introductorios y biográficos escritos pol editor, pol propiu Carlos y pol musicólogu y gaiteru Llorián García Flórez, según informa EUROPA PRESS.