TPA va estrenar el xueves 1 d'abril l'espaciu infantil 'Animalada Xabaz', que se va emitir toles mañanes de la Selmana Santa. El programa va tener ocho capítulos y l'asturianu y el gallego-asturianu como llingües vehiculares.

'Animalada Xabaz' ye una idea del actor Carlos Alba 'Cellero' y ta producíu por Covenant Audiovisuales dientro de la convocatoria de la Conseyería de Cultura pa promocionar l'asturianu y el gallego-asturianu en RTPA.

Nel espaciu, la cabra Telva, el xabaril Xuacu y la osa Sabela van ver a Cellero y la so fía Fefa pa sentir cuentos. Per otru llau, Enol quier deprender asturianu y el Pola y el Gallu entámenla col rock. Anque delles veces el trasgu Nalón tracamundia tolos planes.

Asina, l'espaciu suma la divulgación, los moñecos, la música y los cuentacuentos pa entretener a la reciella al empar que se promociona'l patrimoniu llingüísticu asturianu, según informa EUROPA PRESS.