Asturies ye una de les rexones europees con un mayor nivel de paru xuvenil. Solo la superen rexones del sur d'España, les de la zona meridional d'Italia y casi toes les de Grecia, onde en dellos casos el nivel de desempléu ente los menores de 25 años supera inclusive'l 63%, como ye'l casu de la provincia helena de Sterea Ellada, qu'encabeza la estadística. La tasa d'Asturies ye del 35,8%, lo que l'asitia nel puestu 25 de les 260 rexones nes que ta estazada la Unión Europea, según les últimes cifres sopelexaes pol Eurostat, la oficina comunitaria d'estadística, con datos de 2020.
La tasa asturiana ta bien perrriba de la media europea (16,9%) y de la que rexistren otres zones del club comunitariu muncho más dinámiques dende'l puntu de vista llaboral como Alemania, Holanda, Polonia, República Checa o los países nórdicos, onde los porcentaxes son mínimos. Prácticamente de plenu empléu xuvenil.
La pandemia del coronavirus causó un terrible impacto sobre l'empléu. Un terremotu que'l so epicentru n'España tuvo llugar ente los más nuevos. Según los datos de Eurostat, en 2019 el porcentaxe d'asturianos de menos de 25 años que buscaben un empléu ensin ésitu yera del 28,7%. Asturies taba nun puestu altu na clasificación de les rexones europees con más paru xuvenil, ente les 30 primeres, pero non tan eleváu como agora. El güelpe de la crisis del coronavirus provocó que'l Principáu gane posiciones hasta ocupar la 25, con una tasa del 35,8% que ye siete puntos superior a la del añu anterior.
Echándo-y una güeyada al mapa del paru xuvenil d'Eurostat, vese que les rexones coles tases más altes comparten una serie de característiques comunes. Por casu, toes tán allugaes al sur del continente. Les del norte tienen munchísimos meyores númberos, inclusive en dellos casos la tasa de desempléu de los mozos ye inesistente. Casi toes eses rexones sureñes tienen una actividá económica mui venceyada al turismu –como Andalucía, Baleares o Canaries, onde la tasa de paru xuvenil ronda'l 50%–, ún de los sectores que más sufrió les restricciones pa intentar frenar l'espardimientu del coronavirus.
Destaca poles sos cifres de desempléu xuvenil tola zona sur d'Italia, tamién mui venceyada al turismu y, amás, una de les más cutíes pol virus n'Europa. Les mayores tases de paru xuvenil danse en Grecia, onde los porcentaxes de desempléu son xigantes. Perriba del 60%.
El mapa del paro juvenil en Europa
Del 16,9% al 25,3%
Más del 33,8%
Menos del 8,5%
Sin datos
Del 8,5% al 16,8%
Del 25,4% al 33,7%
Fuente: Eurostat
Algunas de las regiones con menos tasa de paro juvenil
Praga
(Rep. Checa)
5%
Zeeland (Holanda)
5,4%
Lodzkie (Polonia)
7,4%
Media
europea
16,9%
Algunas de las regiones
con más tasa de paro juvenil
Sterea Ellada (Grecia)
63,6%
Calabria (Italia)
63,3%
Asturias
35,8%
El mapa del paro
juvenil en Europa
Fuente: Eurostat
Menos del 8,5%
Del 8,5% al 16,8%
Del 16,9% al 25,3%
Del 25,4% al 33,7%
Más del 33,8%
Sin datos
Algunas de las regiones con menos tasa de paro juvenil
Praga
(Rep. Checa)
5%
Zeeland (Holanda)
5,4%
Lodzkie (Polonia)
7,4%
Media
europea
16,9%
Algunas de las regiones
con más tasa de paro juvenil
Sterea Ellada (Grecia)
63,6%
Calabria (Italia)
63,3%
Asturias
35,8%
El mapa del paro juvenil en Europa
Fuente: Eurostat
Menos del 8,5%
Del 8,5% al 16,8%
Del 16,9% al 25,3%
Del 25,4% al 33,7%
Más del 33,8%
Sin datos
Algunas de las regiones
con más tasa de paro juvenil
Algunas de las regiones con menos tasa de paro juvenil
Sterea Ellada (Grecia)
Praga
(Rep. Checa)
63,6%
5%
Calabria (Italia)
Zeeland (Holanda)
63,3%
5,4%
Lodzkie (Polonia)
Asturias
35,8%
7,4%
Media
europea
16,9%
Sicasí, al otru llau del mapa, más pal norte, la cosa camuda. Les rexones más industrializaes d'Alemania, Polonia, República Checa o Holanda, son tamién les que tienen una menor tasa de desempléu ente los sos mozos y tán ente les que meyor aguantaron a los güelpes de la crisis económica del covid. Amás, figuren ente los países que meyor consiguieron contener l'espardimientu del virus nos sos territorios. Por exemplu, en casi toles rexones xermanes el desempléu de los menores de 25 años ta per debaxo del 7%. Mentantu en delles zones de la República Checa o de Polonia'l porcentaxe entá baxa más, al 5%, según Eurostat. Toes bien per debaxo de la media comunitaria.
Nel mapa del desempléu xeneral –non solo del xuvenil– Asturies sal tamién mal parada. La tasa de desempléu rexonal ta nel 14,1% –según Eurostat– el doble de la media europea (7,1%) y perlloñe de les rexones franceses, alemanes, cheques o polaques qu'abulten inmunes a la infección del coronavirus sobre'l mercáu llaboral. Y eso que, n'España, los espedientes de regulación temporal d'empléu (ERTE) ayudaron a contener un desastre. Inclusive ente los más mozos. Según los datos del Conseyu de la Mocedá, ún de cada trés (esto ye, un terciu) de los asturianos de menos de trenta años pasaron en 2020 por un ERTE, lo qu'evitó que perdieren el trabayu.
Yá nesti 2021, col llevantamientu de les restricciones en sectores como'l de la hostelería, les cifres de paru xuvenil relaxáronse daqué na rexón, anque entá siguen a unos niveles peraltos, asemeyaos a los de la gran recesión de 2008.
