Nuevu rellumu pal vieyu caserón de la cai San Francisco. La vicerrectora d'Estensión Universitaria y Cultura, Carmen Adams, ta decidida a convertir l'edificiu históricu de la institución nel “símbolu de la nuesa Universidá d'Uviéu nel sieglu XXI”. Esi foi, esplica, l'encargu que-y fixo'l rector Ignacio Villaverde y agora ta entamando un plan pa facelo. Trátase de que la sede histórica, “un luxu del qu'otres instituciones nun disponen”, matiza, se convierta nun llugar onde los investigadores universitarios puedan treslladar tola so conocencia a la sociedá y onde la Universidá pueda recibir, de la mesma, toles esmoliciones de la sociedá. Una de les formes de llogralo, esplica, va ser utilizar l'edificiu p'agospiar grandes esposiciones, venceyaes a temátiques sociales actuales, con enfotu xeneralista y posibilidá de conectar esos conteníos coles distintes árees d'investigación de la Universidá

Adams cree que tener “un inmueble renacentista, en plenu centru de la ciudá, dotáu d'aules, patiu porticáu y una biblioteca escepcional ye un recursu demasiao valiosu pa nun lu aprovechar como un bien social y ciudadanu”. Por eso quier “abrilu a Uviéu, a Asturies y tamién al mundu”. 

Y va facelo, esplica, con un equipu conformáu por José Antonio Vega en Proyección Cultural, Zulima Fernández n'Estensión Universitaria, Dolores Palacios dende'l Centru de Servicios Universitarios d'Avilés y coles responsables de protocolu Ana Quijada Sara Vázquez-Canónico.

El edificio histórico

de la Universidad de Oviedo

Jardines

de Isabel II

Aula

escalonada

Aula Magna

Biblioteca

Paraninfo

Sala de

exposiciones

Capilla

Calle Ramón y Cajal

Estatua de Valdés Salas en el patio de la Universidad

Calle San Francisco

El edificio histórico

de la Universidad de Oviedo

Jardines

de Isabel II

Aula

escalonada

Aula Magna

Biblioteca

Sala de

exposiciones

Paraninfo

Capilla

Calle Ramón y Cajal

Calle San Francisco

El edificio histórico

de la Universidad de Oviedo

Jardines

de Isabel II

Aula

escalonada

Aula Magna

Biblioteca

Paraninfo

Sala de

exposiciones

Capilla

Calle Ramón y Cajal

Calle San Francisco

La base d'esti proyectu d'apertura y proyección entronca cola idea de “recuperar la Estensión Universitaria pa l'Asturies del sieglu XXI”. “Trátase”, reclaca Carmen Adams, “de que la nuesa sede central actúe como motor a un tiempu centrífugu y centrípetu na ciudá, na rexón, nel territoriu”. La parte centrípeta tien que ver con atraer les miraes p'hacia actividaes, programaciones de relevancia. La centrífuga, con esparder lo que fai la Universidá al territoriu

Baxando a la idea de les esposiciones temátiques, Carmen Adams detalla qu'una de les llínies d'actuación podría ser “enllenar de conteníu l'edificiu dacuando”. “Buscaríense”, rellata, “esmoliciones sociales d'actualidá: cambéu climáticu, pandemia y pospandemia, despoblamientu del mediu rural, ciudaes saludables, el futuru y los mozos, avieyamientu y sieglu XXI…”. Tou esi tipu de campos de conocencia, abondo abiertos, dexaríen texer esposiciones, programaciones y tou tipu de recursos dientro del edificiu p'averase a la sociedá y arreyar a los investigadores de la Universidá d'Uviéu, los sos trabayos y esperiencies. Y nun se trata solo de ciencia o investigación. Adams axunta “l'arte” a esti tipu de programes, agospiando “manifestaciones que pueden ayudar a esplicar estes realidaes o medranes dende perspectives sensoriales o emocionales”. En resume, una programación “dende una perspectiva holística”. Y non solo va ser n'Uviéu, la Universidá quier utilizar “toles ferramientes que'l sieglu XXI ufierta” pa llevar lo qu'ellí asoceda “a cada requexu d'Asturies”.