El director xeneral de Política Llingüística del Gobiernu asturianu, Antón García, participó per primer vegada nel Conseyu de Llingües. Foi la primer ocasión na qu'Asturies participa nesti órganu del Ministeriu de Política Territorial y Función Pública que cuida pol usu de los idiomes del Estáu distintos del castellán na Alministración Pública l'Estáu.
Asturies reclamó la inclusión nesti organismu va un añu, el 2 de xunetu del 2020, nun alcuentru ente Antón García y la subdireutora xeneral de Cooperación Autonómica, Violeta Tomás, y con Ana María de la Fuente, de la Oficina de les Llingües Oficiales del Ministeriu de Política Territorial y Función Pública. Nel alcuentru, García mentó les meyores realizaes en materia de política llingüística n'Asturies.
