L'ablana asturiana, una ayalga d'aceite
La bióloga Celia Serrano dexó Madrid p'asitiar en Cabranes, onde vive y trabaya al mandu de la so empresa de cosmética natural onde'l frutu ye'l so ingrediente estrella
Celia Serrano Laguna con dalgunos de los sos productos, en Cabranes. Ana Paz Paredes. / Ana Paz PAREDES
La bióloga madrilana Celia Serrano Laguna escoyó Asturies pa vivir atraída pola so naturaleza y por una vida sele nel campu. “Trabayé n'investigación empobinada al caltenimientu de la fauna, concretamente n'anfibios, ye una tema que m'apasiona pero, a nivel llaboral, taba complicao, con contratos precarios y cansé. Foi cuando pensé que yera'l momentu d'entamar, que ye daqué que siempres tuvi ehí”, esplica ella.
Celia Serrano con dellos de los ingredientes colos que trabaya y tamién con dalgunos de los sos productos. / Ana Paz Paredes
La moza madrilana confiésase namorada del llugar nel que vive, en Torazu, y de lo que fai, la ellaboración de cosmética natural y ecolóxica que'l so ingrediente principal ye l'aceite d'ablana, y que robla col nome de “Ablana Cosmética”.
La elección de Cabranes nun foi casual. Diba tiempu que yera conocedora de qu'esistía una rede d'emprendimientu rural importante y con xente mozo con proyectos asemeyaos al de so, como ella mesma esplica. “Sabía qu'equí se taba instalando xente que quería salir de la ciudá, asitiar nel mediu rural, tar en contactu cola naturaleza y trabayar nella. L'atopame con esta comunidá de xente que, amás acuéyete tan bien y ayúdate, facilitó que diera'l saltu y viniera a Asturies a vivir y a trabayar equí”, diz.
Celia amuesa dalgunes de les ablanes coles que trabaya. / Ana Paz Paredes
Y darréu esplica que'l ponese al mandu de la so producción artesano y ecolóxico de cosmética natural, nun foi d'un día pa otru: “fixi una transición. Yo nel so día tenía un contratu por cuenta ayena y empecé a combinalu colos mios primeros pasos na ellaboración de cosmética natural. Empecé a dame a conocer nos mercaos, vi qu'esto podía funcionar, y vini equí pa dedicame yá a ello, pos amás tenía unos aforros. Amás equí hai ayudes a entamadores, en Madrid non, y concediéronme una que ta por llegar”, esplica ensin disimular la pasión que siente pol so trabayu y por vivir onde vive. “Equí comparto instalaciones con otros entamadores que tienen llaboratoriu pa poder trabayar, y colos que llegué a un alcuerdu “, diz.
Productos ya ingredientes de la so firma, Ablana Cosmética. / Ana Paz Paredes
Tocantes a los empiezos, señala que nun foi fácil pos, por exemplu, “l'atopar vivienda foi complicao y entá sabiendo qu'hai munches viviendes vacíes, pero depués d'un tiempu alcontré una con un preciu razonable y onde toi bien a gustu”, recuerda.
Celia Serrano cola so perra, nun requexu de Cabranes per onde suel pasiar con ella. / Ana Paz Paredes
Amás equí atopó'l productu base y estrella de la so cosmética: l'ablana. “Yo yá venía muncho per Asturies primero d'afitar equí la mio residencia, y yá conocía bien les sos propiedaes. Ye un aceite que nutre enforma la piel pero nun la engrasa y ye amañosu pa tou tipu de pieles. De sópitu vi que n'Asturies había una ablana especial. Hai estudios que respuenden por la so calidá y riqueza n'oligoelementos y vitamines. Ye una ablana espectacular. Hai munches ablanes pero nun hai munches que se procesen. Yo, pel momento, nun tengo problema porque la mio producción ye bien piquiñuca”, señala.
Celia Serrano colos sos productos. / Ana Paz Paredes
Xunto col aceite d'ablana, nos sos distintos productos pa cara, cuerpu y pelo, tamién hai otros aceites esenciales como'l de llimón, cipres, romeru o rosa mosqueta y estractos de plantes como la caléndula, lavanda, el llantén, la ortiga o la salvia, por citar malapenes dalgunos. “Yo viendo per internet y tamién en delles tiendes ecolóxiques d'alimentacion y cosmética n'Asturies”, matiza.
Celia Serrano, nuna zona pela que suel pasiar, cercana al so llugar de trabayu, nel viveru d'empreses de Santolaya. / Ana Paz Paredes
Ella cree que se puede vivir y entamar nel campu, pero tamién cree que nun ye nada fácil non yá empezar, sinón tamién caltenese. “Nel mio casu ta cumpliéndose pero bien ye verdá que lo tengo más fácil por esi sofitu mutuu qu'hai equí ente toos los entamadores que tamos nel viveru. Anque sía namás a nivel emocional, ye perimportante nun sentite sola y cuntar con compañeros que siempres tán dispuestos a echar un gabitu. Per otru llau tenemos una gran visiblidá nel mercáu local que celebramos equí, El Tenderete, ye un escaparate espectacular pa los que tamos empezando” señala esta muyer que, cuando nun trabaya, disfruta pasiando pel monte cola so perra, faciendo yoga y colos potros que tien dende va un añu.
Un "corazón d'ablanes", nes manes de Celia Serrano. / Ana Paz Paredes
- Este es el misterioso y discreto mamífero asturiano que se incorpora al listado de especies en peligro de extinción
- Cuando el Papa estuvo en los Picos de Europa: se quedó a dos kilómetros de pisar tierras asturianas
- Nuevas averiguaciones tras el accidente de Cerredo: el Principado eliminó en 2019 el servicio específico de Seguridad minera
- Esta podría ser la alternativa del Sabadell frente a la opa del BBVA: una operación que sería de gran calado para Asturias
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- El golpe de los traslados de Arcelor a India: entre 130 y 150 empleos en España (y la mayoría en Asturias)
- Los primeros profes asturianos de Educación Física cumplen treinta años dando clases: 'Era una carrera divertida y con base pedagógica
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
