Carla Armas y Rubén García, el dúu L-R, ¿Aú? y la Banda de Gaites Camín de Fierro son los cuatro finalistes del Premiu Camaretá al Meyor Cantar, que la so decimotercera edición va celebrase'l 27 de payares n'Avilés.

El Centru Niemeyer va ser l'escenariu onde los candidatos al galardón actúen pa que'l xuráu, formáu por especialistes en música y llingua asturiana, decida'l cantar ganador. Na gala, tamién va facer un conciertu Rodrigo Cuevas, galardonáu na edición anterior d'esti premiu cola tema Rambalín.

El xuráu, axuntáu'l 22 de xunetu nuna primer deliberación, escoyó a los cuatro candidatos pa la final. Tolos finalistes cunten con trabayos discográficos editaos nel añu 2020.

El Gobiernu d'Asturies convoca'l Premiu Camaretá al Meyor Cantar, dotáu con 6.000 euros, coles mires de consolidar, prestixar y arriquecer la creación musical n'asturianu y gallego-asturianu, según informa EUROPA PRESS.