José Ángel Gayol ganó'l premiu “Xosefa Xovellanos” de novela n'asturianu cola obra “La cafiante muerte de Nicolai Bostov”. El xuráu sorraya que ye “una sátira social con un ritmu narrativu bien llográu que retrata la sociedá asturiana de finales del sieglu XX con humor esperpéntico, y tou ello espresao con un rexistru llingüísticu de gran calidá y naturalidá”.

El galardón, convocáu y concedíu pola Conseyería de Cultura, Política Llingüística y Turismu, tien una dotación de 6.000 euros. El xuráu encargáu de valorar los trabayos, aconceyáu so la presidencia del director xeneral de Política Llingüística, Antón García, tuvo formáu poles escritores Pilar Arnaldo y Marta Mori, la llibrera Natalia González, el filólogu Marcos Martínez, y Sidoro Villa, maestru, escritor y ganador de l'anterior edición del Xosefa Xovellanos.

José Ángel Gayol (Mieres, 1977) ye escritor y críticu lliterariu. Llicenciáu en Derechu y n'Antropoloxía Social y Cultura, y Máster n'Hestoria y Analís Sociocultural, ye autor d'otres dos noveles.