El Conceyu de Corvera abrió'l plazu pa inscribise nel 'Cursu de Llingua Asturiana' que va comenzar les sos sesiones el martes 26 d'ochobre. Hasta esi día la xente adulto interesao va poder inscribise nél nos rexistros municipales.
El cursu, que quier ser un mecanismu d'afondamientu nel conocimientu y deprendimientu de la gramática asturiana y otres cuestiones más del idioma pero tamién una manera d'acercase a la cultura asturiana, va ser impartíu pol técnicu responsable del Serviciu de Normalización Llingüística de Corvera y nesta edición del cursu va incidise de manera especial na práctica escrita y oral y van ufrise actividaes complementaries al alumnáu del cursu.
El cursu, de calter gratuitu y con una duración de venti hores, va desarrollase en sesiones de dos hores tolos martes, n'horariu de 18 a 20 hores. Les sesiones del cursu, qu'empiecen el martes 29 d'ochobre y que van acabar el martes 21 d'avientu, van facese nel Aula 2 del Centru Sociocultural de Les Vegues, según informa EUROPA PRESS.
