Miguel Rodríguez Monteavaro ganó'l I Premio de Poesía 'Ría del Eo', convocáu pol Serviciu de Normalización Llingüística d'A Veiga, cola obra 'Oi, que dice mamá que volvas'. Per otru llau, Alberto Castro Gión llevó'l I Premio Quiastolita de Lliteratura Infantil, qu'entama la Oficina de Coordinación Cultural y Llingüística del Parque Históricu del Navia, cola obra 'Bandeira moura'.
Del primeru, el xuráu valoró una "poesía espida de malabarismos, pro que reverque de pluma, oficio, sensibilidá y universalidá, con un gran uso del llinguaxe que fluye con toda naturalidá pra crear un gran poemario". Amás, el xuráu fixo una mención especial a la obra 'D'outro mundo', de José Manuel Gayol Suárez.
Per otru llau, de la obra d'Alberto Castro, el xuráu destacó "a súa adecuación pral público d'edá infantil, a orixinalidá del trabayo y as muitas referencias históricas, os recursos lliterarios usaos y a capacidá de conectar col público infantil".
