![Portada del llibru "Como augua de torbón. Guerra civil y represión franquista nel estremo noroccidental d’Asturias"](https://estaticos-cdn.prensaiberica.es/clip/b729093b-0eae-4d05-8997-bb5ff87cd658_16-9-aspect-ratio_default_0.jpg "Portada del llibru "Como augua de torbón. Guerra civil y represión franquista nel estremo noroccidental d’Asturias"")
Ediciones Traba publicó 'Como augua de torbón. Guerra civil y represión franquista nel estremo noroccidental d'Asturias', un ensayu del autor tapiegu Xosé Miguel Suárez.
El llibru supunxo un trabayu de siete años nel que l'autor axuntó datos sacaos de bibliografíes y hemeroteques, de les causes xudiciales abiertes polos sublevaos y de la documentación militar y municipal, pero tamién d'entrevistes a los fíos y nietos de les víctimes.
Asina, nes sos más de 700 páxines recuéyense tolos casos localizaos de la represión nos conceyos del estremu noroccidental d'Asturies dende'l branu de 1936. El territoriu estudiáu inclúi los conceyos de San Tiso d'Abres, A Veiga, Taramundi, Vilanova, Santalla y Samartín d'Ozcos, Castripol, Tapia, El Franco, Cuaña, Navia, Villayón, Bual y Eilao.
El llibru, que ta escritu en gallego-asturianu, tamién analiza'l contestu históricu y políticu local de la Segunda República, cómo foi la entrada de les tropes rebeldes nel Occidente o los mecanismos de represión xudicial y estraxudicial que sufrieron les persones d'esquierdes.
