Los siete pigargos criaos en Pimiango vuelen llibres pel cielu cantábricu

Un exemplar de pigargo con radiomarcaxe.

Un exemplar de pigargo con radiomarcaxe. / María VILLORIA

Sixto Cortina (Traducción)

Los siete pigargos europeos criaos en Pimiango –cuatro femes y tres machos– yá vuelen llibres dende va unos díes los cielos d'Asturies y otres comunidaes autónomes vecines. Los exemplares d'esta ave de presa de gran envergadura fueron lliberaos el pasáu 4 d'ochobre del xaulón nel que permanecieron mientres dos meses

Estes rapaces, águiles marines con nales llargues y anches, tuvieron dos meses nuna cortil especial construyía en Pimiango (Ribadeva) onde se tuvieron aclimatando a la zona enantes de ser lliberaes. El proyectu de recuperación de la especie collechó crítiques de conservacionistas que creen que nunca tuvo implantación real na zona.

Gracies a los emisores GPS que porten los pigargos y a observaciones directes comprobóse que la mayoría ta afayándose a la vida en llibertá con normalidá, realizando movimientos dispersivos d'hasta cientos de kilómetros a lo llargo y ancho de la cornisa cantábrica, como correspuende a les aves moces que son.