La Televisión del Principáu d'Asturies (TPA) va emitir esti sábadu 27 de payares a les 22.15 hores en directo la gala de la XIII edición del Premiu 'Camaretá al Meyor Cantar', que se va celebrar nel Auditoriu del Centru Niemeyer d'Avilés.

Los cuatro nominaos son 'Tomasín', del grupu ¿Aú?, 'Flacos y ensin peinar', de la Banda de Gaites Camín de Fierro, 'Veis volver', del dúu L-R y 'El que conoz a tierra', de Carla Armas y Rubén García.

Esti premiu ta entamáu pola Conseyería de Cultura, Política Llingüística y Turismu pa reconocer a la meyor composición en llingua asturiana o gallego-asturianu divulgada nel añu 2020.

La gala va acoyer les actuaciones de los cuatro finalistes y, na deliberación del xuráu, Rodrigo Cuevas va tener una actuación de 25 minutos na que va interpretar el cantar ganador de la edición pasada, 'Rambalín', ente otres del so repertoriu.

El premiu tien una dotación de 6.000 euros y incluye la realización d'un videoclip, asina como la promoción y divulgación del cantar ganador nos medios de comunicación y nos eventos entamaos o promovíos pol Gobiernu del Principáu d'Asturies.

La entrada a la gala ye llibre y gratuita hasta enllenar l'aforu del auditoriu. Les entraes puen acutase na taquilla del Centru Niemeyer (Avilés), Llaboral Ciudá de la Cultura (Xixón) o'l Centru d'Información Turística del Principáu d'Asturies (Uviéu), y tamién na web del Centru Niemeyer