Esti vienres día 3, a les 19.00 hores, la compañía Factoría Norte va poner n'escena na Llechera de Cancienes 'Les rellaciones peligroses', obra escrita y dirixida por Eladio de Pablo que recibió'l Premiu Nel Amaro de Teatru 2019.
La función tien entrada gratuita y llibre accesu hasta completar aforu, anque se van priorizar les localidaes acutaes al traviés del númberu de whatsapp 684617879.
'Les rellaciones peligroses' ye un cóctel esplosivu qu'axunta drama, humor y pedagoxía pa mostrar les situaciones a les que s'enfrenten munches veces la mocedá: los peligros del accesu a les tecnoloxíes nueves, la vida sexual de los rapazos o los prexuicios sobre xéneru ya identidá sexual.
