El Conceyu d'Avilés súmase a la celebración del Día Internacional de los Museos que se celebra esti 18 de mayu con una visita guiada a les 18.30 hores pel Muséu de la Historia Urbana d'Avilés

Anguaño, el lema escoyíu ye 'El poder de los museos', y el Muséu de la Historia Urbana d'Avilés (MHUA)' y el Centru d'Interpretación del Cementeriu de La Carriona (Ciclac) entamaron un programa d'actividaes a lo llargo d'esa selmana con trés visites --una d'elles n'asturianu-- y una conferencia.

El ramu de la programación va ser la entrega a la ciudá d'Avilés del tartán diseñáu con motivu del Festival Intercélticu d'Avilés. El tartán ye la tela del traxe típicu escocés y l'Autoridá Escocesa de Tartanes diseñó ún pa la ciudá.

Esti tartán ta diseñáu en base al mariellu sobre azul de la bandera d'Asturies, amás del colloráu, verde y negru del escudu d'armes del Principáu. Como elementu d'hermandá, tamién la llinia blanca sobre'l fondu azul representa a la bandera escocesa.