L'Academia de la Llingua Asturiana va celebrar la prueba d'accesu al cursu de capacitación en gallego-asturianu d'anguaño'l sábadu 4 de xunu, a les 10.30 hores nel IES Marqués de Casariego, en Tapia. Les inscripciones van poder facese hasta'l 2 de xunu con un coste de 20 euros.
A la prueba van poder presentase les persones interesaes n'entrar nel 'Curso de Capacitación en Gallego-Asturiano', que va facese n'agostu n'A Caridá. Trátase de la primera de les fases de les que se compón el programa de capacitación pal profesoráu de gallego-asturianu y qu'ufierta la titulación oficial qu'esixe'l Principáu pa impartir l'asignatura nel Navia-Eo.
Los aspirantes tienen que tener competencies llingüístiques en gallego-asturianu y conocer la realidá cultural del Navia-Eo, amás d'habilidaes docentes d'alcuerdu colos títulos universitarios esixíos pal profesoráu.
