Ediciones Trabe publicó la selmana pasada la novela 'Tiempu d'escoria', de Xosé Nel Riesgo, ambientada nel Avilés industrial de los primeros años de la década de los setenta del sieglu pasáu y nes sos barriaes obreres.

Contada por un adultu que fai alcordanza del so pasáu pola muerte de la ma, la novela quier dar voz a esa xeneración d'asturianos, fíos del desarrollismu, que medraron en barriaes obreres enllenes de xente allegao de les zones rurales o de fuera.

Xosé Nel Riesgo (Avilés, 1963) diose a conocer cola novela negra 'El cai nunca duerme (1989). Ente otres noveles y llibros de rellatos, nel 2005 sacó 'Parque temáticu', una crítica sobre la política cultural n'Asturies.