Con motivu del 50 aniversariu de la obra del psicopedadogu y dibuxante, Francesco Tonucci 'Frato', l'Academia de la Llingua Asturiana publica una traducción al asturianu de '50 años cola güeyada del neñu'.
La traducción ye obra del presidente de l'ALLA, Xosé Antón González Riaño, y d'Alejandro Rodríguez Martín, director del Departamentu de Ciencies de la Educación de la Universidá d'Uviéu, y va presentase'l 31 de mayu na Biblioteca d'Asturies, n'Uviéu.
Los tres pedagogos van tar presentes y van falar, ente otres coses, de la contribución educativa universal de Frato, de la trescendencia d'esta obra traducida yá a munches llingües y del trabayu d'ellaboración de la so versión asturiana.
