Esti martes pasáu inaugurose 'Xente', una esposición de Pablo Casanueva comisariada por Luisa Fraile. Trátase d'una muestra de 36 semeyes enmarcaes dientro de la fotografía social, nos que "destaca la busca de la naturalidá, una fotografía ensin artificios" que va poder contemplase hasta'l vienres 15 de xunetu".

Producida por Solombra, la esposición tien 18 semeyes de 10x15 y otres 18 de 61x91 en papel Hanhemuhle. La parte sonora de la instalación ta al cargu de Carlos Maestre.

Nesta muestra mézclase la fotografía con grabaciones visuales y sonores que formaron parte del procesu pa ufrir movimientu. Nes primeres espurre'l tiempu y quíta-yos el color, nes segundes dexa que les palabres s'axunten na memoria del espectador y construyan el pasáu remembrando la guerra, la represión, el trabayu y la historia.