Tinéu llevanta pontes ente la cultura y el mediu rural cola convocatoria simultánea del primer certame lliterariu "Vaqueiros", entamáu pola Fundación Automáticos Tinéu en collaboración col Conceyu, y de la cuarta edición de les beques que promueve la entidá y que dan ayuda económica pa financiar estudios universitarios a mozos cuartanos d'ente 16 y 25 años. 

La Fundación presentó esti día n'Uviéu les dos iniciatives precisando, na voz del maxistráu José Ramón Chaves, miembru del xuráu del concursu de relatos curtios, que'l concursu naz abiertu a obres creatives, qu'aporten", y resaltando la importancia que "nos tiempos que cuerren" tien "cualquier actividá qu'aguiye'l sofitu al arte o la cultura". Les narraciones tendrán de tratar sobre cuestiones rellacionaes col ámbitu rural y el concursu va cuntar con dos categoríes, una en castellán y otra n'asturianu. La fecha llende p'apurrir los relatos va ser el 30 d'ochobre y el fallu del xuráu espérase pa payares. Mesmo los relatos ganadores como los que'l xuráu considere que lo merecen van ser publicaos. 

"Búscase dar conteníu a la fundación, que ye de mena cultural", resalta'l so presidente, Carlos Juan González. "Queremos que, como les beques, el certame perdure nel tiempu". L'alcalde de Tinéu, José Ramón Feito, se congratula de que coles beques "pudiéramos ayudar dende l'Alministración a munches families a superar momentos difíciles" y añede que "col esfuerzu de les alministraciones y l'arrogancia de la fundación vamos avanzar hacia una sociedá más formada". Ignacio Cuesta, teniente d'alcalde del Conceyu d'Uviéu, cerró l'actu resaltando "la importancia de la collaboración ente lo público y lo privao" .