"Nuevos empiezos" pa la Orquesta Sinfónica del Principáu d'Asturies. Puesta de llargo pal so nuevu director titular y artísticu, Nuno Coelho, apináu de planes ya idees. Y un día pa sentir arguyu, como señaló la conseyera de Cultura, Berta Piñán, na presentación celebrada nel Auditoriu "Príncipe Asturies", poles "propuestes felices" que dibuxen una programación ambiciosa na que destaquen como novedaes les actividaes "Collaboradores artísticos", "OSPA Fest" y "OSPA Participativa". 

La xerente de la OSPA, Ana Mateo, destacó de Coelho la so "calma pa encarar los problemes". Y "el so talentu". Y el so "absolutu respetu col que trata tou". Too arriquecío pola "ilusión y les ganes" que lu acompañen. 

Coelho nun disimuló la so felicidá y compromisu por difrutar de "un honor bien grande". Ta llenu de "enfotu pa entamar esti nuevu desafíu". Conoz perbién la OSPA poles sos anteriores collaboraciones y "encantóme la forma de facer música y conectar col públicu". Depués, pasó a desenvolver los sos trés proyectos. El primeru, "Collaboradores Artísticos", va realizase a lo llargo de les trés próximes temporaes col enfotu d'averar músicos de prestíu internacional al Principáu p'ampliar y diversificar la ufierta cultural de la orquesta. 

La nómina d'artistes que van participar d'esti nuevu proyectu ye de primer nivel, como dexó claro'l director a la de describir de volao la so trayectoria: el violinista y director ucranianu Roman Simovi, el Cuartetu Quiroga, la mezzosoprano Fleur Barron, el pianista Javier Perianes, la viola Sara Fernández y el compositor Francisco Coll. De Barron destacó, por casu, que ye "mui creativa, un talentu escepcional que siempre busca nueves formes de comunicación col públicu". Aludió a la carrera "impresionante" de Perianes, que "ye, amás, pintor. Comparte y esplica les sos obres enantes y dempués de los conciertos". El Cuartetu Quiroga cuenta col violinista asturianu Aitor Hevia. Sara Fernández ye "un talentu nuevu emerxente, enllenu d'enerxía". 

La segunda novedá presentada esti día ye l'OSPA Fest. Oxetivu: crear un eventu cultural multidisciplinar temáticu que va tener llugar n'abril del próximu añu. La lliteratura va tomar la batuta pa, aprovechando los aniversarios de Cervantes y Shakespeare y la celebración del día del Llibru, orquestar una gran cita col mundu de los llibros n'alianza cola música, lo qu'inclúi conciertos sinfónicos, visites a museos, eventos con públicu. Una de les intenciones ye atraer al públicu interesáu pola cultura en xeneral pero poco pola música clásica. Dende'l 17 al 28 d'abril n'Uviéu y Xixón. Participen la OSPA, el Cuartetu Quiroga y Fleur Barron. 

A lo último, el proyectu d'OSPA Participativa va dexar aumentar los esfuerzos na busca de conexón ente la OSPA y el públicu. La idea consiste en convidar a artistes amateurs a sumase a la orquesta nun conciertu estraordinariu. El primeru va ser el "Requiem" de Verdi. Artistes conectaos pol amor a la música compartiendo espaciu con profesionales. El conciertu de Selmana Santa va tener llugar nel teatru Xovellanos de Xixón y nel Auditoriu Príncipe Felipe d'Uviéu. Participen la soprano Adriana González; la mezzo Silvia Tró; el baxu Matthew Rose; el coru Fundación Princesa d'Asturies y dellos artistes amateurs 

La presentación concluyó con dellos vídeos unviaos por artistes invitaos, onde enseñen la so ilusión pol proyectu nel que van participar. 

La OSPA d'abonu va ufiertar 15 conciertos n'Uviéu y 11 en Xixón. Va entamar el 13 y 14 d'ochobre con Nuno Coelho como director y Pablo Ferrández como violonchelu nuna velada qu'inclúi obres de Coll, Chaikovski, Adès y Strauss. El siguiente va ser el 18 de payares con Nil Venditti como director y Juan Ferriol (oboe). El conciertu estraordinariu de Nueche de Difuntos el 4 de payares va tener a Luis Toro Araya como director y el de Selmana Santa (30 y 31 de marzu) va cuntar con Coelho como director, la soprano Adriana González, la mezzo Silvia Tró, y el baxu Matthew Rose

Y daqué más: la Xira OSPA de cerca, el Camín de los santuarios, los conciertos con Víctor Manuel pol so 75.º aniversariu (Xixón y Madrid), la Selmana de los Premios Princesa d'Asturies; el Conciertu de Navidá; la 75.º Temporada d'Ópera ("La dama d'alba" y "Hamlet")... Que nun apare la música.

LES CLAVES DE LA TEMPORADA


LES CLAVES DE LA TEMPORADA: NUEVOS EMPIEZOS

-----Collaboradores artísticos

Román Simovic (concertino); Cuarteto Quiroga; Fleur Barron (mezzo); Javier Perianes (pianista); Sara Ferrández (violinista); Francisco Coll (Compositor).


------OSPA Fest

Desde el 17 al 28 d'abril. Uviéu y Xixón. Celebración de la Selmana del Llibru. Participen la OSPA, Cuarteto Quiroga y Fleur Barron


------OSPA participativa

Conciertu de Selmana Santa (Requiem de Verdi). Teatru Xovellanos; Auditoriu Príncipe Felipe

Participen: Soprano Adriana González; mezzo Silvia Tró; baxo Matthew Rose; Coru Fundación Princesa de Asturias y artistas amateurs


LES CLAVES DE LA TEMPORADA: OSPA d'Abonu

15 conciertos n'Uviéu + 11 en Xixón

Delles cites importantes:

-----Abonu 1

( 13 y 14 d'ochobre)

Nuno Coelho, director

Pablo Ferrández, violonchelu

F. Coll García: Aqua Cinerea, op.1

P. I. Chaikovski: Variaciones sobre un tema rococó para violonchelo y orquesta, op. 33

T. Adès: Powder Her Face: Danzas

R. Strauss: El caballero de la rosa: Suite, op. 59

-------Abonu 3

(18 de payares)

Nil Venditti, director

Juan Ferriol, oboe

 -------Abonu 4

26 y 27 de xineru

Nuno Coelho, director

Roman Simovic, violín

R. Strauss: Don Juan, op. 20

M. Rózsa: Concierto para violín, op. 24

R. Strauss: Las divertidas travesuras de Till Eulenspiegel, op. 28

-----------Abonu 7

16 y 17 de marzo

Cuarteto Quiroga, director  

-----------Abonu 11

11 y 12 de mayu, 20h

Lorenza Borrani, directora

-----------Abonu 13

25 y 26 de mayu, 20h

Anna Rakitina, directora

Alena Baeva, violín

------------Abonu 15

8 y 9 de xunu, 20h

Nuno Coelho, director

F. Coll García: Hímnica

G. Mahler: Sinfonía nº1 en re mayor, "Titán"


LES CLAVES DE LA TEMPORADA: CONCIERTOS EXTRAORDINARIOS

Conciertu extraordinariu Nueche de Difuntos

4 de payares, 20h

Luis Toro Araya, director

R. Wagner: El holandés errante: obertura

P. Dukas: El aprendiz de brujo

G. Verdi: Macbeth (ballet)

C. Gounod: Fausto (ballet)

C. Gounod: Fausto (vals)   


Conciertu Extraordinariu de Selmana Santa

30 y 31 de marzu,

Nuno Coelho, director

Adriana González, soprano

Silvia Tró, mezzosoprano

Matthew Rose, bajo

Coru de la Fundación Princesa de Asturias

G. Verdi: Requiem

LES CLAVES DE LA TEMPORADA: DALGO MÁS

Xira Ospa de cerca

Camín de los santuarios

Conciertos con Víctor Manuel 75.º aniversariu (Xixón y Madrid)

Selmana de los Premios Princesa de Asturias

Selmana de les Lletres

Conciertu de Navidá

Conciertu de San Xuan

75.º Temporada d'Ópera d'Uviéu: La dama de alba // Hamlet

Festival internacional de Santander

Festival Musika Música de Bilbao

Temporada musical de Coruña

LES CLAVES DE LA TEMPORADA: CON PROTAGONISTES

Directores y solistes invitaos: Pablo González, Carlos Mena, Ari Rsailainen, Álvaro Albiach, Elim Chan, Ruth Reinhardt, Lorenza Borrani, Anna Rakitina y Nil Venditti, Luis Toro Araya

Temporada con protagonismu pa solistes propios: Luis Fernando Pérez; Yeol Eum Son, Alessio Bax (pianistes); Alena Baeva (violinista); Pablo Ferrández, Daniel Müller-Schott, Narek Hakhnazaryan (chelistes); Dominique Vleeshouwers (percusionistes); José Antonio López (barítono); Juan Ferrior (oboe).