Suscríbete La Nueva España

La Nueva España

Contenido exclusivo para suscriptores digitales

El Pueblu d’Asturies axunta un nuevu bocetu de cartel de Legazpi

L'artista xuega con "l'humor y l'absurdu" na pieza de les fiestes d'A Veiga de 1976

El nuevu cartel de Legazpi.

El Muséu del Pueblu d’Asturies acaba d'adquirir pa la so colección un bocetu del artista José Manuel Legazpi, realizáu pa ilustrar la fiesta d'A Veiga del añu 1976. Col ingresu d'esti bocetu, s'amplia la colección de cartelos que caltien l'espaciu artísticu xixonés, que cunta con alredor de 3.500 exemplares y que permite documentar l'orixe y desenvolvimientu hasta güei del cartel fechu n'Asturies o con temática asturiana. 

Legazpi, autor de a estela que s'apurre nes distinciones del premiu "Asturianu del mes" qu'otorga LA NUEVA ESPAÑA, nació en Bres (Taramundi) en 1943, anque pasó la so infancia y mocedá n'A Veiga, d'onde se consideraba nativu. La obra del cartel de la fiestes d'A Veiga "representa un xigantón de los que desfilen peles cais los díes de fiesta en munches villes asturianes, y nel que se ve al home que va dientro portando la xigantesca figura y baillando", espliquen nel Muséu del Pueblu d’Asturies, sobre esta pintura acrílica sobre llenzu, que representa'l cartelismu asturianu de los años setenta. 

"Nesi tiempu nos cartelistes asturianos primaba'l triunfante grafismu americanu de la década anterior, pero nesti diseñu Legazpi axúntase a la llinia europea trazada por esa escuela polaca de cartelistes que revolucionó'l contestu européu", rescamplen nel espaciu artísticu xixonés sobre una pieza que va tar disponible pal públicu na recepción del muséu hasta'l 30 de payares. "L'artista xuega col humor, l'absurdu y busca la complicidá del espectador por que pueda indagar neses necesaries alternatives a los modelos triaos dende una absoluta modernidá rupturista", añeden. 

Esta pieza axúntase a otros dos cartelos de Legazpi que caltien el Muséu del Pueblu d’Asturies. Un cartelu p'anunciar regates de bateles en Castropol en 1977. Y otru del Concursu de pesca de salmón Homenaxe Miguel Castro Río Narcea en Corniana, del añu 1990.

El nuevu cartel de Legazpi.

Compartir el artículo

stats