La pandemia de covid-19 convirtió a los test d'antíxenos nun productu indispensable en cualquier botiquín. Agora, cola seronda recién estrenada, yá llegaron a les farmacies asturianes les nueves prebes que dexen diagnosticar, d'una tacada y con una sola muestra, el SARS-CoV-2, el virus del gripe A y el virus del gripe B. El so funcionamientu ye esactamente igual qu'el de les prebes rápides d'autotest covid: recuéyese una muestra –nasal o de saliva– y échense cuatro gotes nun cassette. En menos de 15 minutos ta marcáu'l resultáu positivu o negativu de cada virus na so llinia de determinación.

La farmacéutica Cristina Braña Alonso fai la prueba. | Irma Collín

Anque les coinfecciones nun son lo más avezao, tamién señalen si esiste una infección simultánea. El preciu máximu actual d'estos test combinaos ye de 2,94 euros. Al igual que pasaba colos test d'antíxenos del covid, lo recomendable ye fcaelo cuando apaecen los síntomes: conxestión, cansanciu xeneral, tos, dolor de gargüelu, dolor de cabeza, espirríos... A lo llargo de los siete primeros díes d'infección, les prebes son más certeres.

Ún de los nuevos test combinaos d'antíxenos.

"La xente yá vieno interesase por estos test porque, tres el paréntesis de branu, yá ta equí la dómina de mayor picu de infección per gripe", esplica la farmacéutica uvieína y vocal del Colexu de Farmacéuticos d'Asturies, Cristina Braña Alonso. "Ye daqué novedoso: podemos saber si tamos contaxaos d'una cosa o d'otra pa la nuesa tranquilidá", diz la boticaria.

La farmacéutica Cristina Braña Alonso tien por ún de los nuevos test combinaos d'antíxenos. | Irma Collín

Los virólogos cuenten con qu'esta temporada se rexistre una mayor incidencia de gripe al tratase del primer iviernu ensin restricciones y cola mayor parte de la población ensin inmunidá dempués de dos años d'usu de mázcaros pa protexese del covid. Por eso, los espertos encamienten usar fociqueres en casu de presentar síntomes respiratorios y de permanecer n'espacios interiores con otres persones. "Con esta preba vamos conocer la causa de la patoloxía que carecemos y podemos tomar les midíes afayaíces d'aislamientu. Tenemos que concencianos de que son virus respiratorios y l'usu del mázcaru puede evitar que'l contaxu sía masivu", acota Cristina Braña. 

Si daqué se tien demostrao nesti tiempu ye que los virus son impredicibles. Arriendes d'ello, los espertos encamienten vacunase tamién del gripe.