Babayu, manguán y otros insultos asturianos que trespasen el Cordal Cantábricu
La reedición de la "Teoría del insulto", de José Manuel Vilabella, da-y nueva vida y munchos llectores casi 40 años dempués
Una de les esplicaciones del términu "gochu".
Los insultos d'Asturies siempre suplieron enforma. Solo hai que pensar en dalgún visitante al que nun-y gusten les palabres babayu, maizón o repunante. Tienen un bon sonar y, lo meyor de too, suelen abultar poco agresivos. Asina que puede enllenase un discursu d'improperios y consiguir que namás salten llárimes de risa. Ye lo que se suel dicir, un ésitu seguru.
Esa seguridá, o asemeyada, ye la que tienen dende va dellos meses los editores de Balbino, que sacaron de les estanteríes de les llibreríes de vieyu y segunda mano –onde quedaba dalgún exemplar perdíu– el llibru «Teoría del insulto en Asturias», del gallegu afincáu n'Asturies José Manuel Vilabella. Un peculiar llibrín qu'en 1985 editó Fernando Zuazua –nuna distribución gratuita d'Alsa– y que circuló dellos años como un bien apreciáu namás pel boca-oreya.
José Manuel Vilabella / Luisma Murias
Conocedores del so valor y el so potencial, la editorial de productos Balbino, una firma uvieína que convierte «histories n'oxetos», repescó'l trabayu compilatoriu de Vilabella, dio-y una cuidada edición con dibuxos de Néstor, y nos últimos meses «nun dexemos d'unviar exemplares a tolos puntos d'España. Ye un llibru que coyó aire ente otra xeneración d'asturianos, más mozos que los que conocieron el llibru n'orixe; pídenlu de trés en trés y eso, siendo un productu cientu per cientu asturianu, ye bien prestoso», esplica Pedro Zuazua, de Balbino. A él fíxo-y tovía más ilusión esta reedición porque nos años 80 el llibru orixinal editolu so padre.
Portada del llibru.
Ensin planches que se caltuvieren, a Zuazua fíu tocó-y picar a mano toles páxines otra vuelta, y reconoz que s'escacharró de risa. El llibru editóse va meses pero una campaña d'ésitu, pel branu, que dinamizó en redes sociales l'humorista Joaquín Pajarón acabó por rematar la xugada. La campaña sopepexaba'l llibru al tiempu del primer mundial del insultu n'Asturies. El citáu mundial llogró casi 80.000 participaciones y acabó empericotiando al «faltosu» al primer puestu. El proyectu de Balbino ye tresversal y dio-y salida, tamién, a una edición de zapatielles con nomes d'insultos. Poques gracies, babayu tien el so look. Ye, en versión calzáu, el «pellizco de monja» del que fala Vilabella pa referise a unos insultos asturianos sobre los que teorizó va casi 40 años y que-y ratificaron que tán a mediu camín ente la ironía, la espresividá y l'improperiu.
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- El Supremo tumba la estabilización docente de Asturias por vulnerar los derechos de las personas con discapacidad
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Llega el AVE gratis a Asturias, pero no para todo el mundo: así se pueden conseguir los billetes sin coste
- Isabel San Sebastián no es admitida en el restaurante de José Andrés en Nueva York: 'Tienes el local más pijo de NYC
- Los empleados públicos del Principado son el “quinto concejo” de Asturias y el próximo año serán 1.500 más
- Fallece Marisa Lacera, cofundadora del grupo de limpieza Lacera, el tercer mayor empleador privado de Asturias
- La localidad quirosana de Aciera se supera a sí misma otro año más: ninguna casa sin luces en el pueblo más navideño del mundo
