La Ribera quier saber más sobre cómo yera la so historia na Alta Edá Media . El Conceyu riberense va financiar una escavación arqueolóxica nel castru del picu Castiellu de La Mortera que va empezar, si'l tiempu lo permite, la próxima selmana, y va allargase un mes so la dirección de los arqueólogos Juan Ramón Muñiz y Alejandro Sánchez

L'actuación va estremar en dos fases. La primera va consistir na apertura d'un camín dende la capiya del Ánxel hasta l'asentamientu del picu asitiáu a un altor de 419 metros sobre'l nivel del mar. Na zona del castru va llevantase una superficie de 25 metros cuadraos col enfotu de recoyer oxetos que dean pistes sobre la hestoria del asentamientu . 

El xacimientu foi reconocíu por José Manuel González el 7 de mayu de 1961, pero dende entós apenes hubo investigaciones sobre'l terrén como la qu'agora entama'l Conceyu .